1 Timoteo 3:2 - Qullan Arunaca

² Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

Aymar Bibliia 1986

² Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

Qullan Arunaka DC

² Uka irpiristi, jan khitinsa kamskay jaqïñapawa, mä sapa warmini, q'uma chuymani, amuyt'ir chuymani, yäqasir chuymani, qurpacht'ir chuymani, yatichañatakis suma wakicht'atäñapawa,

1 Timoteo 3:2 Jak'a apnaqawi uñst'ayäwi

Isaías 56:10

marcajjar uñjirinacasti juyqhur tucutäpjjewa, janiw cunanacatsa amuyasipquiti. Take jupanacasti amutu anunacjamäpjjewa, janiraquiw wajt'asiñsa yatipquiti; sapürus liwirtasaquiw iquirasipqui, jupanacajj iquiñacpinwa wal munasipqui;

Lucas 1:6

Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Lucas 2:36

Ucancascaraquïnwa Ana sata mä profetisa warmejja. Jupasti Aser sat tribut jutiri Fanuel chachan phuchapänwa, jupasti wali chuymanëjjaraquïnwa. Anasti wawa tawakpachaw casarasitayna, ucatsti pakallko maraquiw chachapampejj jacatayna.

Romanos 12:13

Maynïr iyawsirinaca pist'ayasipanjja yanapt'apjjam. Visitanac jutipansti sumrac catokapjjam.

Filipenses 2:15

uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama,

1 Timoteo 3:12

Mä diaconojj mä sapa warminiquïñapawa, uqhamarac wawanacaparusa, utapanquirirusa sum apnakañapawa.

1 Timoteo 3:8

Uca pachparaquiw diacononacajj suman uñjat chachanacäpjjañapa; arsutaparojj phokhañaparaquiwa, janiraquiw machjasiñapäquiti, janiraquiw lunthatatampi jicjjatat kollksa munañapäcaraquiti.

1 Timoteo 4:3

Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

1 Timoteo 5:9

Ijmanacan listaparu uscuñataquejja sojjta tunca maranit amstaruw uscutäñapa, mä sapa chachaniquïcän ucaru.

2 Timoteo 2:24

Tatitun mä sirviripajj janiw nuwasiñanacan sarnakañapäquiti, ucatsipana takenimpis sumancañapawa. Munasirïñapawa yatichañataquejj sumäñapawa, uqhamarac llamp'u chuymanïñaparaquiwa.

Tito 2:2

Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

1 Pedro 4:9

Korpacht'asipjjaraquim jumanaccamajja mä suma chuymampi.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.