1 Timoteo 3:1 - Qullan Arunaca

¹ Acajj chekawa: “Maynitejj iglesian mä jilirïña munchi ucajja, uca luräwejj wali sumawa.”

Aymar Bibliia 1986

¹ Acajj chekawa: “Maynitejj iglesian mä jilirïña munchi ucajja, uca luräwejj wali sumawa.”

Qullan Arunaka DC

¹ Akax chiqäskapuniwa. Maynitix iglesia irpirin luräwip katuqañ munaspaxa, suma luräwi katuqañ munaski.

1 Timoteo 3:1 Jak'a apnaqawi uñst'ayäwi

Proverbios 11:30

Cheka cancañajj jacañwa churi, ñankha lurañasti jacañjja apakewa.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”

Hechos 1:20

Salmo libronjja aqham kellkataraquiwa: ‘Utjäwipajja ch'usar tucpan. Janirac qhitis uca utan jacpati.’ Saraquiwa: ‘Ucatsti yakharac lurañapjja lurpan’ sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Romanos 11:13

Jan judiöpctas ucanacaruw parlapjjsma. Diosatejj jan judiöpquis ucanacar qhitanchitojja, wali munasiñampiw irnakta.

Efesios 4:12

Uqhamwa jupan luräwinacap lurapjjañapataqui jupanquirinacarojj waquicht'i, Criston cuerpop jiltayañataqui.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.

1 Timoteo 4:9

Acajj chekawa, takeniw iyawsapjjañapa.

2 Timoteo 2:11

Acajj chekawa: Jupampitejj jiwstan ucajja, jupampiraquiw jacañäni;

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.

1 Pedro 4:15

Maynitejj jumanacat t'akheschi ucajja, jan jake jiwayatap laycu t'akhespati, lunthatasitap laycus, cuna jan wali luratap laycusa, jaken chh'ajjwañanacapar mantatap laycusa.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,