1 Samuel 9:7 - Qullan Arunaca

⁷ —Uqhamajj sarañäniya, ucampis, ¿cunaraqui uca profetataqui aparapiñänisti? Janiw t'ant'as wayakanacasanjja utjcjjestuti. Janiw cunasa jupar churañataquejj utjquiti —sasaw Saúl waynajj saraquïna.

Aymar Bibliia 1986

⁷ —Uqhamajj sarañäniya, ucampis, ¿cunaraqui uca profetataqui aparapiñänisti? Janiw t'ant'as wayakanacasanjja utjcjjestuti. Janiw cunasa jupar churañataquejj utjquiti —sasaw Saúl waynajj saraquïna.

Qullan Arunaka DC

⁷ Saulusti sänwa: —Ukhamax sarañäniya, ukampis ¿kunarak uka profetatak aparapiñänisti? Janiw t'ant'as wayaqasan utjkxistuti. Janiw kunas jupar churañatakix utjkiti —sasa.

1 Samuel 9:7 Jak'a apnaqawi uñst'ayäwi

1 Reyes 13:7

Ucatsti reyejj profetarojj sänwa: —Jutam nayamp chica utajjaru, mä cunsa mank'añamataqui, ucatjja mä wajjt'äwi churaniraquïma —sasa.

1 Reyes 14:3

Apjjarusiwayam tunca t'ant'anaca, tortanaca, uqhamarac mä wayucha misq'iraqui, ucatsti saram jupan ucaru yatjjatiri aca wawajj cunänisa uca.”

2 Reyes 4:42

Ucatjja mä chachawa Baal-salisa sat chekata purinïna, Eliseotaqui pä tunca cebada t'ant'anaca apanirapïna, hornota ucqha khathiyataqui, uqhamaraqui apanirapïna trigo wayakaparu. Ucatsti Eliseojj uywataparojj sänwa: —Jakenacar churam mank'apjjañapataqui —sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

2 Reyes 5:5

Ucjjarusti Siria marcana reyipasti sänwa: —Waliquiwa, sarascaquim, nayasti Israelan reyiparojj mä cartwa apayäjja —sasa. Ucatsti Naamán generalajj saränwa. Jupasti apjjarusiwayänwa quimsa tunca waranka kollke, sojjta waranka korinacaparaqui, tunca trucsusiña isinacaraqui;

2 Reyes 8:8

Ucatsti reyejj Hazael chacharojj sänwa: “Mä wajjt'äwi apjjarusiwayasajj profetan ucaru saram. Ucatjja Tatitur jisct'ayanirapita: ‘¿Aca usutjja waliptiristti, janicha?’ ” —sasa.

2 Reyes 8:9

Hazael chachasti profetan ucaruw saräna, Damasco marcana cuna suma yänacatejj utjcäna ucanacat wajjt'añatac apjjarusiwayasa, pusi tunca camellonacaru qhumuntata. Jupan nayrakataparu purisinsti sänwa: —Siria marcana Ben-adad reyiw qhitanitu, qhititejj jumarojj mä awquirjama uñt'astam uca, usupata waliptaniti, janicha uc jisct'añataqui —sasa.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Jueces 6:18

Tata, achict'assmawa janiquiy acat sarcamti nayan cutt'aniñajjcama, nayasti muntwa jumaru mä ofrenda loktaña —sasa. Diosasti saraquïnwa: —Nayasti acata suyämawa cutt'aniñamcama —sasa.