1 Samuel 9:13 - Qullan Arunaca

¹³ Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.

Aymar Bibliia 1986

¹³ Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.

Qullan Arunaka DC

¹³ Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.

1 Samuel 9:13 Jak'a apnaqawi uñst'ayäwi

2 Samuel 15:11

Jerusalén marcatsti pä pataca jakenacaruw jawsayaraquitayna, uca jakenacasti take chuymaw Absalonampi chicajj sarasipcatayna. Janiraquiw Absalonan uca amtatanacapjja yatipcataynati.

Mateo 14:19

Ucjjarusti uca pheska t'ant'ampi pä chawllampi catusinjja, alajjpach uñtasinwa Diosar yuspagaräna. T'ant'a pachjasinsti discipulonacaparuw laquintäna, ucat jupanacasti take jakenacaruw laquintapjjaraquïna.

Mateo 26:26

Uqham mank'asquipansti, Jesusajj t'ant'a irtasinwa yuspagaräna. Pachjasinsti discipulonacaparuraquiw churäna: —Mank'apjjam; acajj nayan janchejjawa —sasa.

Marcos 6:41

Jesusasti pheska t'ant'ampi pä chawllampi apjjarüna, ucatsti alajjpach u ñtasaw yuspagaräna. T'ant'a pachjasinsti discipulonacaparuw churäna, jakenacar laquinokañapataqui. Pä chawllatsti uca pachparaquiw takeniru laquinokayaraquïna.

Lucas 24:30

Cunapachatï mesan jupanacamp chica kont'ascäna ucqhajja, t'ant'a irtasin Diosaruw yuspagaräna, pachjasinsti jupanacaruw churäna.

Lucas 9:16

Ucatwa Jesusajj pheska t'ant'ampi pä chawllampjja aptasina, alajjpachar uñtasinwa ucanacat Diosar yuspagararaqui. Pachjatatsti discipulonacaparuw churi jakenacar laquintapjjañapataqui.

Juan 6:11

Jesusajj t'ant'anac amparaparu catusinjja, Diosaruw yuspagaräna, ucatsti discipulonacaparuw churäna. Discipulonacapasti laquiränwa take uca konurat jakenacaru, chawllanacsti uca quipcaracwa laquiräna kawkhtejj munapcäna ucqha.

Juan 6:23

Ucchañcamasti yakha botenacaw Tiberias marcatjja purini, cawqhantejj Tatitojj yuspagarcäna, uqhamarac jupanacajj t'ant'a mank'apcänjja ucawjaru.

1 Corintios 10:30

Diosar yuspagarasatejj mank'sta ucajj ¿cunataraqui nayarusti c'umipjjetani mank'atajjatsti?” sasa.

1 Timoteo 4:4

Cuntejj Diosajj lurqui ucajj asquiraquiwa, take ucanacsti catokañasawa Diosar yuspagarasina,

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

1 Samuel 9:14

Jupanacasti marca tokerojj maqhatasipcaquïnwa. Puripcäna uca horasaraquiw Samuelojj mistusincäna, jupanac tokeru jutasa, santuarior maqhatañataqui.