1 Samuel 9:13 - Qullan Arunaka DC

¹³ Markar purisinsti, jank'akiw juparux thaqtapxäta, qullan chiqawjar janïr manq'ir sarkipana. Jupan puriniñapkamasti jaqinakax janïraw manq'apkaniti, jupaw wilañcha luqtatarux qullanañchañapa, uka qhipat jawsayata jaqinakax manq'asipkani. ¡Jank'ak sarapxam, jikxatasipkätawa! —sasa.

Aymar Bibliia 1986

¹³ Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.

Qullan Arunaca

¹³ Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.

1 Samuel 9:13 Jak'a apnaqawi uñst'ayäwi

2 Samuel 15:11

Ukhamarus Jerusalén markat pä patak jaqinakaruw jawsayatayna, uka jaqinakasti taqi chuymaw Absalonampi chikax sarasipkatayna, janiw Absalonan amtatanakap amuyapkataynati.

Mateo 14:19

Ukxarusti Jesusax jaqinakan ch'ijir qunurañapatakiw mayïna. Ukatsti phisqa t'ant'ampi pä chawllampi katusin alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna taqi jaqinakar lakintapxañapataki.

Mateo 26:26

Manq'apkipansti, Jesusax t'ant'a irtasin yuspagaräna, pachjasinsti yatiqirinakaparuw churäna: —Manq'apxam; akax nayan janchixawa —sasa.

Marcos 6:41

Jesusasti phisqa t'ant'ampi pä chawllampi apxarüna, ukatsti alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna, jaqinakar lakinuqañapataki. Pä chawllatsti uka pachparakiw taqinir lakinuqayäna.

Lucas 24:30

Kunapachatix manq'añatak qunt'asipkän ukkhasti, t'ant'a irtasin Diosaruw yuspagaräna, pachjasinsti jupanakaruw churäna.

Lucas 9:16

Ukatsti Jesusax phisqa t'ant'ampi pä chawllampi aptasina, alaxpach uñtasin Diosar yuspagaräna, jalanuqasasti yatiqirinakaparuw churi jaqinakar lakintapxañapataki.

Juan 6:11

Jesusasti t'ant'anak amparapar katusin Diosaruw yuspagaräna, ukatsti qunuratäpkän uka jaqinakaruw lakintayäna. Chawllanaksti uka kipkarak lakintayäna, qawqhtix munapkän ukkha.

Juan 6:23

Ukchañkamasti, yaqha botenakaw Tiberias markat purinïna, kawkhantix Jesusax t'ant'a manq'ayañatak Tatitur yuspagarkäna uka chiqaru.

1 Corintios 10:30

Diosar yuspagarasatix manq'sta ukax, ¿kunatarak manq'ataxat k'umipxitanisti?

1 Timoteo 4:4

Taqi kuntix Diosax uchawayki ukax askipuniwa, ukanaksti Diosar yuspagarasin manq'añasawa,

1 Samuel 2:35

Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.

1 Samuel 9:14

Jupanakasti marka tuqir makhatasipkakïnwa. Niya markar purisipkän ukkhasti, Samuelux maysa tuqit mistusinkäna qullan chiqawjar sarañataki.