1 Samuel 5:8 - Qullan Arunaca

⁸ Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.

Aymar Bibliia 1986

⁸ Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.

Qullan Arunaka DC

⁸ Ukatsti, filisteonakan taqi jilïrinakaparuw jawsthapiyapxäna, jupanakarusti jiskt'apxarakïnwa: —¿Kuns Israel markan Diosapan arcapampix lurañäni? —sasa. Uka jilïrinakasti sapxänwa: —Gat markar apapxam —sasa. Filisteonakasti uka markaruw arust'äwi arcxa apxapxäna.

1 Samuel 5:8 Jak'a apnaqawi uñst'ayäwi

Amós 6:2

Sarapjjam Calne marcaru, uñjapjjaraquim; ucatsti pasapjjaraquim Hamat jach'a marcaru, ucqhatsti sarakapjjaraquim filisteonacan Gat marcaparu. ¿Jumanacasti ucat sipansa juc'amp sumäpjjtati? ¿Marcamacha jupanacanquirit sipansa juc'amp jach'ajja?

Zacarías 12:3

Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.

Josué 13:3

Cawquïri jawiratï Siho sat oraket sarqui, Egipto marcat inti jalsu tokena, ucatsti Ecrón marcan korpapcama, amsta tokeru, cawquïritï cananeonacan orakepat uñt'atäqui ucacama, uqhamaraqui uca pheska filisteonacan reyinacapan orakenacap cuna Gaza, Asdod, Ascalón, Gat, Ecrón marcanacan reyinacapan orakenacapa, uqhamaraqui aveos sat marcan reyipan orakepsa.

Josué 15:11

Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

1 Samuel 17:4

Uqhamaraqui acatjamatwa filisteonac taypitjja mä guerrero jakejj mistunïna, jupasti wali jach'a tansänwa, quimsa metronjamaraquïnwa sayt'arojja. Uca jakesti Goliat satänwa, Gat sisqui uca marcan jaquiriraquïnwa.

1 Samuel 17:52

Uqhamasti israelita jakenacajja, uqhamarac Judá ucanquir jakenacasa, filisteonacan jaltjjatanacap uñjasinsti, wali jach'at arnakasisaw filisteonacarojj arctapjjäna, Gat sisqui uca mantañcama, Ecrón marcan puncupcamaraqui. Thaquinsti Saaraim sisqui ucat, Gat uqhamarac Ecrón sisqui ucacamajja filisteo soldadonac jiwaratajja walipunïnwa.

1 Samuel 29:6

Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

1 Samuel 5:11

Take uca marcansti sinti jan walt'añaw jiwañampi sartäna, Diosajj uca jach'a mutuyäwi apayanitap laycu, ucat take filisteonacan jilïrinacaparu jawsayanisin sapjjäna: “Israel marcan Diosapan arcapjja acata cawquirus apasjjapjjam. Cawqhattejj apanipcta ucar apjjapjjam, jan take jiwasanacaru jiwarayañapataqui” sasa.

1 Samuel 5:7

Asdod oraken jaquir jakenacasti ucanac uñjasinjja, sapjjänwa: “Israel marcan Diosapan arcapajj janiw jiwasampi chica kheparañapäquiti, sintipuniw t'akhesiyjjaraquistojja, jiwasarusa uqhamarac Dagón diosasarusa” sasa.

1 Samuel 6:2

Uca khepatsti filisteo jakenacajj sacerdotenacampiru, yatiri jakenacampiruw jawsthapipjjäna, jisct'añataqui: —¿Cunsa lurañäni Tatitun arcapampejja? Sapjjeta, ¿cunjämatsa arcajj cutt'ayatäjjaspa? —sasa.