1 Samuel 5:7 - Qullan Arunaca

⁷ Asdod oraken jaquir jakenacasti ucanac uñjasinjja, sapjjänwa: “Israel marcan Diosapan arcapajj janiw jiwasampi chica kheparañapäquiti, sintipuniw t'akhesiyjjaraquistojja, jiwasarusa uqhamarac Dagón diosasarusa” sasa.

Aymar Bibliia 1986

⁷ Asdod oraken jaquir jakenacasti ucanac uñjasinjja, sapjjänwa: “Israel marcan Diosapan arcapajj janiw jiwasampi chica kheparañapäquiti, sintipuniw t'akhesiyjjaraquistojja, jiwasarusa uqhamarac Dagón diosasarusa” sasa.

Qullan Arunaka DC

⁷ Asdod chiqan utjasirinakasti ukanak uñjasinxa, sapxänwa: “Israel markan Diosapan arcapax janiw jiwasanak taypin qhiparañapäkiti, uka diosapax sintipuniw mutuyxistu, jiwasarusa, Dagón diosasarusa” sasa.

1 Samuel 5:7 Jak'a apnaqawi uñst'ayäwi

2 Samuel 6:9

Ucampisa uca urpacharaquiw Davidajj Dios nayrakatanjja wali ajjsarthapïna, ucat art'asiraquïna: “Janiw waquiscpachati Tatitun arcapa apañajjajja” sasa.

1 Crónicas 15:13

Jumanacajja jan nayrakata k'omachasipjjatam laycojja, Tatit Diosasajja jiwasanacata mayninacaruwa jiwayi, jan jiwasanacan jisct'apjjatasata cunjäma lurañäcäntejja ucata” sasa.

Éxodo 10:7

Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Éxodo 12:33

Egipcionacasti, israelitanacarojj wali jariyapjjäna janc'aqui marcapat sarjjapjjañapataqui, jupanacasti sapjjänwa: “Takeniw jiwarañäni” sasa.

Éxodo 8:28

Ucatsti faraonajj saraquïnwa: —Nayasti antutapjjämawa wasararu sarapjjañamataqui, ucana jumanacan Diosamaru sacrificio loktanipjjañamataqui, ucampis janiw wali jayaru sarapjjätati, nayataquis mayipjjaraquïtawa —sasa.

Éxodo 8:8

Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Éxodo 9:28

Chhijchhimpi, khejjokhejjonacampisti walipuniw purintjje, jichhasti Diosaruy mayipjjam uca nina chhijchhimpi, khejjokhejjonacampi apakañapataqui, nayasti antutjjapjjämawa sarjjapjjañamataqui, janiw jarq'jjäpjjämati —sasa.

Jeremías 46:25

Israelan take ch'amani Diosapasti saraquiwa: “Amón, Tebas chekanquir diosarus mutuyaraquïwa, uqhamaraqui Egiptorusa, diosanacaparusa, reyinacaparusa, faraonarusa, uqhamaraqui qhitinacatï juparu alcatasipqui ucanacarusa.

Jeremías 48:7

“Moab marca, jumasti ch'amamaruw wali alcatasïyätajja, uqhamaraqui kamir cancañamarusa, ucampisa jumanacajj catuntatäpjjaraquïtawa. Quemós sat diosamasa jayaru apataraquïniwa, sacerdotenacapampi, jilïri jakenacapampi chica.

1 Samuel 4:8

¡Ay cunaquïcan jiwasataquejja! ¿Qhitirac jichhasti uca take ch'aman Diosan amparapatsti khespiyistani? ¡Jupaw egipcionacarojj wasaran cunayman mutuyäwinacampi t'unjänjja!

1 Samuel 5:6

Uca khepatsti Tatitojj Asdod chekan utjirinacarojj walpun t'akhesiyäna ajjsarañanacampi phokhantasa, Asdod orakensti cunayman janchi p'usunacampi chhojjriñchjasaraqui.

1 Samuel 5:8

Ucatwa filisteonacan take jilïrinacapan ucaru qhitapjjäna, jupanacampi tantacht'asisinsti, jisct'apjjaraquïnwa: —¿Cuns Israel marcan Diosapan arcapampejj lurañäni? —sasa. —Gat sata marcaru apapjjam —sasaw jilïrinacajj sapjjaraquïna. Ucatsti filisteonacajj ucaruw apapjjäna.

1 Samuel 6:20

Bet-semes chekanquir jakenacasti sapjjaraquïnwa: “¿Qhitis sayt'aspa aca Kollan Dios Tatitu nayrakatanjja? ¿Jiwasat sarjjasinsti qhiti contrarac sarani?” sasa.