1 Samuel 5:10 - Qullan Arunaca

¹⁰ Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

Aymar Bibliia 1986

¹⁰ Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

Qullan Arunaka DC

¹⁰ Ukhamïpansti filisteonakax Diosan arcap Ecrón markaruw apxapxäna; ukampis kunapachatix arcax uka markar purkäna ukkhasti, Ecrón markankirinakax wal arnaqasipxäna: “¡Israel markan Diosapan arcapxa taqi jiwasanakar jiwarayañatakiw apanipxi!” sasa.

1 Samuel 5:10 Jak'a apnaqawi uñst'ayäwi

2 Samuel 7:9

Cawquirutejj sarcäyätas ucansa juma chicaraquiw sarayätjja, take uñisirinacamatejj jumaru maqhatapcäyätam ucanacarusa k'alwa tucjaractjja, ucjjarusti jach'aruw aptaracsma, cunjämatejj acapachan jach'a jilïri jakenacajj tucupjje uqhama.

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

Amós 1:8

Asdod marcan uyuparusa tucjaraquïwa, uqhamaraqui qhititï Ascalón marca apnakqui ucarusa. ¡Take ch'amajjampiw Ecrón marcataquiw sartäjja, jan marcanipuniw filisteonacajj jiwarapjjanejja!” siw Tatitojja.

Amós 6:2

Sarapjjam Calne marcaru, uñjapjjaraquim; ucatsti pasapjjaraquim Hamat jach'a marcaru, ucqhatsti sarakapjjaraquim filisteonacan Gat marcaparu. ¿Jumanacasti ucat sipansa juc'amp sumäpjjtati? ¿Marcamacha jupanacanquirit sipansa juc'amp jach'ajja?

Josué 13:3

Cawquïri jawiratï Siho sat oraket sarqui, Egipto marcat inti jalsu tokena, ucatsti Ecrón marcan korpapcama, amsta tokeru, cawquïritï cananeonacan orakepat uñt'atäqui ucacama, uqhamaraqui uca pheska filisteonacan reyinacapan orakenacap cuna Gaza, Asdod, Ascalón, Gat, Ecrón marcanacan reyinacapan orakenacapa, uqhamaraqui aveos sat marcan reyipan orakepsa.

Josué 15:11

Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

Josué 15:45

Uqhamaraqui Ecrón sat marca, jach'a marcanacampi, jisc'a marcanacampi cuna.

Jueces 1:18

Ucampis Judá tribunquirinacasti janiw ch'amanïpcänti catuntañataquejja Gaza, Ascalón, Ecrón uca marcanacarojja ni uca jac'a marcanacarusa.

1 Samuel 17:52

Uqhamasti israelita jakenacajja, uqhamarac Judá ucanquir jakenacasa, filisteonacan jaltjjatanacap uñjasinsti, wali jach'at arnakasisaw filisteonacarojj arctapjjäna, Gat sisqui uca mantañcama, Ecrón marcan puncupcamaraqui. Thaquinsti Saaraim sisqui ucat, Gat uqhamarac Ecrón sisqui ucacamajja filisteo soldadonac jiwaratajja walipunïnwa.

1 Samuel 5:11

Take uca marcansti sinti jan walt'añaw jiwañampi sartäna, Diosajj uca jach'a mutuyäwi apayanitap laycu, ucat take filisteonacan jilïrinacaparu jawsayanisin sapjjäna: “Israel marcan Diosapan arcapjja acata cawquirus apasjjapjjam. Cawqhattejj apanipcta ucar apjjapjjam, jan take jiwasanacaru jiwarayañapataqui” sasa.

1 Samuel 5:9

Cunapachatejj uca arca apjjapjjän ucqhasti, Tatitojj marcanjja cunayman jan walt'añanacwa sartayäna, jakenacarusti cunayman janchi p'usunacampiw chhojjriñchjaraquïna, jach'ata jisc'acama.

1 Samuel 6:1

Tatitun arcapasti pakallko phajjsiw filisteonacan orakepancatayna.