1 Samuel 5:10 - Qullan Arunaka DC

¹⁰ Ukhamïpansti filisteonakax Diosan arcap Ecrón markaruw apxapxäna; ukampis kunapachatix arcax uka markar purkäna ukkhasti, Ecrón markankirinakax wal arnaqasipxäna: “¡Israel markan Diosapan arcapxa taqi jiwasanakar jiwarayañatakiw apanipxi!” sasa.

Aymar Bibliia 1986

¹⁰ Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

Qullan Arunaca

¹⁰ Ucatsti filisteonacajj Diosan arcapjja Ecrón sat marcaruw apjjapjjäna, ucampisa cunapachatejj Diosan arcapajj uca marcar purïna ucapachasti uca marcan jaquir jakenacajj wali arnakasipjjäna: “¡Israel marcan Diosapan arcapwa acar apanipjje take jiwasanacar jiwarayañataqui!” sasa.

1 Samuel 5:10 Jak'a apnaqawi uñst'ayäwi

2 Samuel 7:9

kawkirutix jumax sarkta ukansa, juma chikaw nayax sarta, jumar katuntir uñisirinakamarus taqiniruw tukjta, ukatsti jach'aruw aptaraksma, kamisatix aka uraqin utjir jach'a jilïri jaqinakax jach'ar aptatäpki ukhama.

2 Reyes 1:2

Mä urusti Ocozías reyix Samaria markan reyi utapan utjir alay ventanat jalaqtäna, jupasti wali chhuxriñchjataw jikxatasïna. Ukatsti jupax Ecrón markankir Baal-zebub sat diosapar jiskt'ayiriw khithanak khithäna: “Waliptxiristti, janicha” sasa.

Amós 1:8

Asdod markan utjasirinakarux tukjäwa, Ascalón marka apnaqirirus q'al tukjrakï. ¡Taqi ch'amaxampiw Ecrón markatakix sartä, jan mayanipuniw filisteonakax jiwarapxani! Ukham siw Tatituxa.”

Amós 6:2

Calné markar sarasin uñjapxam; uka chiqat Hamat jach'a markar sarapxam, ukatsti filisteonakan Gat markapar saraqapxarakim. ¿Jumanakasti uka markanakat sipan juk'ampi sumäpxtati? ¿Jumanakan uraqinakamax, uraqinakapat sipan juk'ampi sumacha?

Josué 13:3

ukasti Egipto markat inti jalsu tuqinkir Sihor jawirat qalltasa, Ecrón markan qurpapkama amsta tuqiru, ukax cananeonakan uraqipawa; ukansti filisteonakan phisqa jilïrinakapaw utji, jupanakasti Gaza, Asdod, Ascalón, Gat, Ecrón uka markanakan jakapxi. Ukhamarusa, aveo jaqinakan uraqipaw

Josué 15:11

Uka chiqatsti Ecrón amsta qullunakanjam saraskakïna, Sicrón tuqir muytanisina, Jabneel chiqakama, Baalá qullu sarakipasa, ukat Mar Mediterráneo jach'a qutar puriñkama.

Josué 15:45

Ukhamarak Ecrón marka, jach'a markanakapampi, jisk'a markanakapampi kuna,

Jueces 1:18

Ukampisa, janiw Gaza, Ascalón, Ecrón chiqanak katuntapkänti, janirakiw uka jak'a markanakan uraqinakapsa katuntañatak ch'amanïpkänti.

1 Samuel 17:52

Ukatsti israelankir jaqinakasa, Judá markankir jaqinakas filisteonakan jaltxatap uñjasax wali jach'at arnaqasisaw filisteonakarux Gat markan mantañapkama, Ecrón markan punkupkam arktapxäna. Saaraim siski ukkhat Gat, Ecrón uka markanakar sarir thakhinsti, filisteo soldadonakan jiwarata janchinakapax walipunïnwa.

1 Samuel 5:11

Ecrón markankirinakax jiwañ wal axsarapxäna, ukat filisteonakan jilïrinakapar jawsayasin jupanakar sapxarakïna: “¡Uka arca akat apasipxam. Kawkhattix apanipkta ukkhar apapxam, jan ukasti taqiniw jiwarañäni!” sasa.

1 Samuel 5:9

Ukampis Tatitun arcapa uka markar puripansti, Tatitux uka markan kunayman jan walt'añanak sartayäna, jaqinakarusti taqiniruw kunayman ch'uphu usunakampi chhuxriñchjäna, jach'a jaqinakaru, ukhamarak wawanakarusa.

1 Samuel 6:1

Tatitun arust'äwi arcapax paqallqu phaxsiw filisteonakan uraqipankäna.