1 Samuel 4:18 - Qullan Arunaca

¹⁸ Elí sacerdotesti Diosan arcapat ist'asinjja, sillapat puncu thiyaruw khepäjjat jalakti. Jupasti cunjämatejj chuymanëjjänjja, uqhamarus cuerpopajj wali jathëjjaraquïnjja, liwektasinjja cunca khepäjja p'acjasi, ucat jiwjjaraqui. Jupasti Israel marcarojj pusi tunca maraw irparaquitayna.

Aymar Bibliia 1986

¹⁸ Elí sacerdotesti Diosan arcapat ist'asinjja, sillapat puncu thiyaruw khepäjjat jalakti. Jupasti cunjämatejj chuymanëjjänjja, uqhamarus cuerpopajj wali jathëjjaraquïnjja, liwektasinjja cunca khepäjja p'acjasi, ucat jiwjjaraqui. Jupasti Israel marcarojj pusi tunca maraw irparaquitayna.

Qullan Arunaka DC

¹⁸ Diosan arust'äwi arcapat jan wali ist'asinsti, Elí sacerdotex qunuñat qhipäxar punku jak'ar jaqukiptasaw p'iqit puris jiwt'awayxi. Jupasti Israel markarux pusi tunka maraw irparakitayna.

1 Samuel 4:18 Jak'a apnaqawi uñst'ayäwi

Salmos 26:8

Tatay, kollan utamarojj munastwa, khapak cancañamajj ucanquiwa.

Salmos 42:10

Timanacajjan sawcasitanacapatjja, ch'aqhanacajjamppachaw usutu, urpachaw sapa cut jisqhipjjetu: “¿Cawquincarac Diosamasti?” sasa.

Salmos 42:3

Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Jueces 15:20

Sansón chachajj Israel marcarojja pä tunca maranacaw apnakänjja, filisteonacajj uca urunaca take ucsa orakenquirinacaru apnakapcäna ucqhajja.

1 Samuel 4:13

Cunapachatejj purcän ucqhasti Elí sacerdotejj mä sillan puncu jac'an kont'atäscänwa, thaqui uñch'uquiscaraquïna, wali llact'atäscaraquïnwa Tatitun arcapatjja. Uca jakesti marcaruw mantanïna, ucatsti take cunwa yatiyäna, uqhamarac ucanac ist'asinsti, jakenacajj marcpachaw ojjtapjjäna.

1 Samuel 4:17

—Israelitanacajj filisteonacan nayrakatapatjja jaltjjapjjewa. Uqhamarus jakenacajj waljaniw jiwaratäpjjaraqui, Ofni, uqhamarac Finees sat pani yokanacamas jiwatäpjjaraquiwa, Diosan arcapasti filisteonacan amparapancaraquiwa —sasaw uca jakejj saraquïna.

1 Samuel 4:19

Elí sacerdoten yojjch'apasti, cawquïritejj Finees chachan warmipäcän ucajja, usur jakëscänwa, wawachasiñapajj jac'ancaraquïnwa. Diosan arcapajj filisteonacan amparapancatapa, uqhamarac awcch'ipasa, chachapasa jiwatätap ist'asinjja, wawachasiñ usuw waytäna, ucatsti uca usumpi t'akhesisasti wawachasjjaraquïnwa.