1 Samuel 27:1 - Qullan Arunaca

¹ Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

Aymar Bibliia 1986

¹ Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

Qullan Arunaka DC

¹ Ukampis Davidax lup'iskakïnwa: “Jichhasa, jan ukax akat qhiparus Saúl reyix jiwayakipunitaniwa. Nayatakisti filisteonakan uraqipar jaltxañaxakiw walïspa, ukhamat Saúl reyix Israel uraqin jan arkanaqkitaniti, ukatsti walikiw jakasïxa” sasa.

1 Samuel 27:1 Jak'a apnaqawi uñst'ayäwi

1 Reyes 12:26

Ucampis chuymapanjja lup'isïnwa: “Jichhasti aca marcajja cutt'jjaspawa Davidana familiapana ucarojja,

1 Reyes 12:28

Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

2 Crónicas 25:17

Ucampis Judá orakenquiri Amasías reyejja yakhanacana ewjja arunacaparuquiwa arcäna, ucatsti mayniruwa qhitäna saniñapataqui Israelanquiri Joacaz chachan Joás yokaparu, Jehú chachan allchhiparu, aqham sasa: “Jutam, ucatsti ajanunacasa uñcatasiñäni” sasa.

Salmos 116:11

Llaquisiñancasajj säyätwa: “Jakenacajj c'aricamaquiwa” sasa.

Salmos 55:7

Thoktasajj wali jayaruw sarjjerista, wasaran jacasjjerista,

Éxodo 14:12

Nanacasti Egiptonjja khanacwa sapjjsmajja: ‘Jaytapjjeta egipcionacaru sirvisquiri’ sasa. ¡Walïsapänwa jupanacaru sirviscaña, aca wasaran jiwarañat sipansa!

Proverbios 13:12

Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Números 14:3

Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.

Mateo 14:31

Ucspachaw Jesusajj amparapat catusinjja Pedrorojj waysu, ucatsti saraquiwa: —¡Pisi iyawsañan jake! ¿Cunatsa pächasta? —sasa.

Marcos 4:40

Ucatsti Jesusajj discipulonacaparojj saraquïnwa: —¿Cunats ucatak sustjasipjjta? ¿Cunatarac jan iyawsañanïpjjtasti? —sasa.

2 Corintios 7:5

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

1 Samuel 20:3

Ucampisa Davidajj sascaquïnwa: —Awquimajj asquiw yati nayajj jumat yanapa catokatajj-jja, ucampis jichhajj janiw yatiycätamti, juman jan llaquisiñamataqui. ¡Ucampisa juramentompiw arsuracsma, Tatitun sutipjjaru, uqhamarac juman sutimjjarusa, nayataquejj jiwañajj sinti jac'ancapuniwa! —sasa.

1 Samuel 22:5

Ucatsti Gad profetajj Davidarojj aqham suma arunac churaraquïna: “Jan aca imantasiñ chekaru kheparamti. Judá orake tokeru sarjjam” sasa. Uqhamaw Davidajj sarawayjjäna, ucatsti Haret sisqui uca ch'umiruw purïna.

1 Samuel 23:17

Saraquïnwa: —Jan ajjsaramti. Saúl rey awquejjasti janiw jicjjatcätamti. Jumasti mä urojj Israelan reyipaw tucüta. Nayasti juman jac'amancaraquïwa, sullca reyïquiristsa uqhama. Acsti, Saúl rey awquejjasti yatiraquiwa.

1 Samuel 25:30

Uqhamapï cunapachatejj Tatitojj take cunsa suma lurcani juma toket arscäna ucanacsa phokhani, uqhamarac Israelan jilïripat utt'aycaraquïtam,

1 Samuel 26:19

Nayajj jach'a munañan reyiruw achict'asï aca sirviriparu ist'añapataqui: Tatitutejj munchi jach'a reyejj nayaru jiwayañapa, ucapachajja, inach mä ofrenda catoketaspa; ucampisa jakenacaquitejj nayar jiwayañ amtchi ucapachajja Tatitojj uca jakenacarojj maldiciracpan. Jichhasti nayarojj Tatitun orakepatjja apanucupjjetuwa, ucampisa yakha diosanacaru sirviñajjataquiw nuct'apjjaraquitu.

1 Samuel 29:2

Uqhamasti cunapachatejj filisteonacan jilïrinacapajj compañiata, batallonata sarantasipcän ucapachasti, Davidampi jakenacapampejj Aquis reyimpiwa khepata sarantasipcaraquïna.

1 Samuel 29:3

Ucatwa filisteonacan jilïrinacapajj Aquis reyirojj jisct'apjjäna: —¿Cunsa lurapjje uca hebreo jakenacajja? —sasa. Aquis reyisti saraquïnwa: —Acajj Davidawa, jupasti Saúl reyin oficialapänwa, uca Saúl reyisti Israel marcan reyipawa. Ucampisa aca Davidajj niya mä kawkha maranacawa nayampi chicaraqui, ucatsti cunüruttejj nayan jac'ajjan sarnakqui ucat jichhacamajj janiw cuna jan walsa jupanjja jicjjatcti —sasa.