1 Samuel 27:1 - Qullan Arunaka DC

¹ Ukampis Davidax lup'iskakïnwa: “Jichhasa, jan ukax akat qhiparus Saúl reyix jiwayakipunitaniwa. Nayatakisti filisteonakan uraqipar jaltxañaxakiw walïspa, ukhamat Saúl reyix Israel uraqin jan arkanaqkitaniti, ukatsti walikiw jakasïxa” sasa.

Aymar Bibliia 1986

¹ Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

Qullan Arunaca

¹ Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.

1 Samuel 27:1 Jak'a apnaqawi uñst'ayäwi

1 Reyes 12:26

Ukampis chuymapan sänwa: “Jichhax Davidan saraqiripax aka marka apnaqäwi kutsuyasxaspawa,

1 Reyes 12:28

Uka tuqit suma yatxatasinxa, reyix qurit pä vaca qallunak luräna, ukat markar sarakïna: “Israelitanaka, janiw wakiskxiti jumanakan Jerusalén markar sapa kuti makhatasipkañamaxa. Akax diosanakamaxa, ukanakaw Egipto markat irpsunipxtam” sasa.

1 Reyes 19:3

Uk yatisasti, Eliasax jan walt'añankatap amuyasïna, jakañap qhispiyasiñatakisti Judá uraqinkir Beerseba chiqaruw jaltxäna, uywataparusti pachparuw jaytawayxäna.

2 Crónicas 25:17

Ukampis Judá uraqinkir Amasías reyix, yaqhanakan iwxa arunakaparuw jaysäna, ukatsti mayniruw khithäna Israelan reyipa Joacaz chachan Joás yuqapan ukaru, khititix Jehú chachan allchhipäki ukaru akham sañapataki: “Jutam, ukatsti ajanuy ajanu uñkatasiñäni” sasa.

Salmos 116:11

Llakisiñankasax säyätwa: “Jaqinakax k'arikamakiwa” sasa.

Salmos 55:7

7 (8) Thuqtasax wali jayaruw sarxirista; wasaran jakiriw qhiparxirista.

Éxodo 14:12

Egipton qhanak sapxsmaxa: “Egipcionakatakik irnaqasipkä” sasa. ¡Nanakatakix egipcionakar luqtañax walïsapänwa, aka wasaran jiwarañat sipana! —sasa.

Proverbios 13:12

Suyatäki ukan jan phuqhasitapaxa, chuymaruw llakisiyi, munatasarjam phuqhasitapasti jakañ quqjamawa.

Isaías 51:12

Tatitusti siwa: Naya, naya kipkaw jumarux ch'amachsma. ¿Jaqinakaruti axsarta? Uka jiwir jaqinakax qurar uñtataw tukusipxani.

Números 14:3

¿Kunatakirak Tatitusti aka uraqir irpanpachïstusti? ¿Jiwasan nuwasïwin jiwarañasataki, warminakasasa, wawanakasas uñisirisan amparapar katuntat uñjasiñasatakit irpanpachïstusti? ¡Egiptor kuttxañasakiw walïspa!” sasa.

Mateo 14:31

Ukspachaw Jesusax amparapat katusin Pedrorux waysüna, ukat sarakïna: —¡Pisi iyawsañan jaqi! ¿Kunatarak pächastasti? —sasa.

Marcos 4:40

Ukat Jesusax yatiqirinakaparux säna: —¿Kunatsa ukataq mulljasipxta? ¿Kunatarak jan iyawsañanïpxtasti? —sasa.

2 Corintios 7:5

Macedoniar purinipkta ukat aksarux janipuniw samarapkti, jan ukasti, taqi chiqan jan walt'añanakan uñjasipxta: Ch'axwañanakaw nanakar muyuntapxitu, chuyma manqhansti axsarañaraki.

1 Samuel 16:1

Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

1 Samuel 16:13

Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.

1 Samuel 20:3

Ukampisa Davidax saskakïnwa: —Awkimax askiw yati jumax nayar munatamxa, juman jan llakisiskañamatakisti janiw yatiñam munkaniti. ¡Ukampis nayax Tatitun sutipxaru, ukhamarak juman sutimxarus juramentompiw arsuraksma, jiwañaxas niyaw jak'anki! —sasa.

1 Samuel 22:5

Ukatsti Gad profetax Davidarux akham amuyt'ayarakïna: —Jan uka imantasiñarux qhiparkamti, jan ukasti Judá uraqir sarxam —sasa. Ukhamat Davidax sarawayxäna, ukatsti Héret uka ch'umiruw purïna.

1 Samuel 23:17

Jupax sarakïnwa: —Jan axsaramti. Saúl awkixax janiw jikxatkätamti. Jumasti mä urux Israelan reyipaw tuküta, nayasti jumar arktiri jilïrirakïyäwa. Aksti, Saúl awkixax askiw yati —sasa.

1 Samuel 25:30

Ukhamasti, kunapachatix Tatitux jumataki aski luräwinak arsuwayki ukanak phuqkani, Israelan jilïripat utt'aykarakïtam,

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.

1 Samuel 29:2

Kunapachatix filisteonakan jilïrinakapax walja soldado tamanakampi sarantasipkän ukapachasti, Davidampi jaqinakapampix Aquís reyimpi chikt'ataw qhipat sarantapxäna.

1 Samuel 29:3

Ukatsti filisteonakan jilïrinakapax Aquís reyiruw jiskt'apxäna: —¿Kunsa aka hebreo jaqinakax akan lurapxi? —sasa. Aquís reyisti sarakïnwa: —Jupax Davidawa, Israel markan Saúl reyin jilïr yanapiripänwa. Jupasti niya mä qawqha maranakaw nayampi chikaraki, ukatsti kunüruttix nayampïki ukkhat jichhakamax janiw kuna jan walsa jupan jikxatkti —sasa.