1 Samuel 26:21 - Qullan Arunaca

²¹ Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.

Aymar Bibliia 1986

²¹ Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.

Qullan Arunaka DC

²¹ Ukat Saúl reyix säna: —¡David, wawaxa, nayaw juchanïtxa! ¡Mä pisi chuyman jaqjamaw sarnaqtxa, luräwixansa pantjasiraktwa! Ukampis kuttanxam, janiw jichhax kuna ñanqhsa lurkxämati, jichhüruw jumax jakañaxar jan kuna ñanqhsa lurañ munatam uñacht'ayista —sasa.

1 Samuel 26:21 Jak'a apnaqawi uñst'ayäwi

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Reyes 1:14

Alajjpachata ninajj sarakanisinjja naqhantänwa pä capitanaru uqhamarac soldadonacapamppacharu. Nayasti achict'assmawa nayat qhuyapt'ayasiñamataqui.

Salmos 116:15

Tatitutaquejj wali llaquisiñawa, iyawsirinacapar jiwir uñjañajja.

Salmos 49:8

Jaken jacañapajj wali jila alaniwa, janiw cunas alañataquejj cunjjatcaspati,

Salmos 72:14

Jupaw t'akhesiñ taypit waysuni, jacañanacapan jila alanïtap laycu.

Éxodo 9:27

Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Números 22:34

Balaamasti Tatitun angelaparojj sänwa: —Nayasti juch lurta, janiw yattcäyätti juman uca chekan thaqui jist'antascatama. Jumataquitejj jan walïcchi nayan saratajjajja, ucqhajj utajjaruw cuttjjä —sasa.

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.

1 Samuel 15:24

Ucat Saúl reyejj Samuelorojj saraquïna: —Jïsa, juchwa lurtjja, Tatitun arunacaparu jan yäkasajja, uqhamarac juman arsutanacamar jan ist'asisa. Jakenacaruw ajjsaräyäta, ucat jupanacan mayitaparu jaysta.

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.

1 Samuel 18:30

Mä toketsti, cunapachatejj jilïri filisteo jakenacajj nuwasiri mistunipcäna, ucapachajj Davidajj Saúl reyin oficialanacapat sipansa, atipjapunïnwa, Davidajj wali aytata jakew tucuraquïna.

1 Samuel 24:17

Davidarojj säna: —Chekpachansa jumajj amuyunïtawa. Nayarusti asquimpiw cuttayistajja, juma contra ñankha luratajjatjja.

1 Samuel 26:22

Davidasti saraquïnwa: —Acajj jach'a reyin lanzapajja. Mayni uywatama jutpan aca lanza aytawayjjañapataqui.

1 Samuel 26:24

Cunjämatejj jichhürojj jach'a reyin jacañapa asquir uñjtjja, uqhamarac Tatitojj jacañajj-jja uñjitpan, take llaquisiñatsa khespiyaraquitpan —sasa.

1 Samuel 27:4

Saúl reyisti, Davidan Gat tokeru sarjjatap yatisinsti, janiwa arcnakcjjänti.