1 Samuel 26:21 - Qullan Arunaka DC

²¹ Ukat Saúl reyix säna: —¡David, wawaxa, nayaw juchanïtxa! ¡Mä pisi chuyman jaqjamaw sarnaqtxa, luräwixansa pantjasiraktwa! Ukampis kuttanxam, janiw jichhax kuna ñanqhsa lurkxämati, jichhüruw jumax jakañaxar jan kuna ñanqhsa lurañ munatam uñacht'ayista —sasa.

Aymar Bibliia 1986

²¹ Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.

Qullan Arunaca

²¹ Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.

1 Samuel 26:21 Jak'a apnaqawi uñst'ayäwi

2 Reyes 1:13

Uka qhipatsti reyix kimsïr kutin mä capitanar khithäna, yaqha phisqa tunka soldadonakampi. Uka kimsïr capitanasti purisin, Eliasax qunt'atäkän ukkhakamaw makhatäna, ukatsti jupa nayraqatan killt'asis achikt'asïna: —Tatitun luqtiripa, nayan jakañaxatsa, aka phisqa tunka luqtirinakaman jakañapatsa khuyapt'ayasikimaya.

2 Reyes 1:14

Naya nayraqat jutir pä capitanampiru, jaqinakapamppachar alaxpachat ninax saraqanisin jupanakar nakhantatap yatta. Nayan jakañaxat khuyapt'ayasikitaya —sasa.

Salmos 116:15

Tatitutakix wali llakisiñawa, iyawsirinakapar jiwir uñjañaxa.

Salmos 49:8

8 (9) ¡Jaqin jakañapax janiw qullqimpi alatäkaspati,

Salmos 72:14

Jupaw t'aqhisiñ taypit waysuni, jakañanakapan jila alanïtap layku.

Éxodo 9:27

Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Números 22:34

Balaamasti Tatitun angelaparux sänwa: —Nayax juch lurta, janiw yatkäyätti juman uka chiqan thakhi jist'antaskatama. Jumatix Moab markar sarañax jan munkstaxa, jichhpachaw utaxar kuttawayxä —sasa.

Mateo 27:4

akham sasa: —Jan juchan jaqir jiwayañatak katuyasaw juchan uñjasta —sasa. Jupanakasti sapxänwa: —¿Kamachapxarakï nanakasti? ¡Jumay kunarus tukuskamxa! —sasa.

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.

1 Samuel 15:24

Ukat Saúl reyix Samuelurux säna: —Jïsa, Tatitun arunakapar jan yäqasa, juman arsutanakamar jan ist'asaw juchachasta. Soldadonakaruw axsaräyäta, ukat mayitanakapar jaysta.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.

1 Samuel 18:30

Mä tuqitsti, kunapachatix jilïr filisteo jaqinakax nuwasir mistupkäna ukkhaxa, Davidax Saúl reyin jilïrinakapat sipansa atipjapunïnwa, Davidax wali aytata jaqiw tukurakïna.

1 Samuel 24:17

17 (18) Davidarux säna: —Chiqpachansa wali sum lurtaxa. Jumaru jan wali lurataxatsti nayarux askimpiw kutt'ayista.

1 Samuel 26:22

Davidasti sänwa: —Jach'a munañan rey, akax juman lanzamaxa. Mayni uywatamay jutpan apxañapataki,

1 Samuel 26:24

Kunjämatix nayax jichhür juma reyin jakañap askir uñjtxa, ukhamarakiy Tatitux nayan jakañaxa uñjitpan, taqi llakisiñatsa qhispiyarakitpan —sasa.

1 Samuel 27:4

Saúl reyisti Davidan Gat tuqir jaltxatap yatisinxa, janiw arknaqkxänti.