1 Samuel 21:5 - Qullan Arunaca

⁵ Davidasti jan camscayaraquiw arsüna: —Cunjämatejj nanacajj guerrancasipcapuntjja, uqhamasti nanacajj janiw warminacampejj jac'asitäpcti. Aca jutäwejja, aleka jutañaquïcchi ucasa, cunapachatejj mistunipcta ucapachajj jakenacajjajj k'omäsipcänwa, uqhamasti jichhajj chekpachansa k'omaquïsipquiwa —sasa.

Aymar Bibliia 1986

⁵ Davidasti jan camscayaraquiw arsüna: —Cunjämatejj nanacajj guerrancasipcapuntjja, uqhamasti nanacajj janiw warminacampejj jac'asitäpcti. Aca jutäwejja, aleka jutañaquïcchi ucasa, cunapachatejj mistunipcta ucapachajj jakenacajjajj k'omäsipcänwa, uqhamasti jichhajj chekpachansa k'omaquïsipquiwa —sasa.

Qullan Arunaka DC

⁵ 5 (6) Davidasti jan pächasisaw sarakïna: —Nanakax nuwasiñankasax janiw warminakampix jak'asipkti. Aka jutäwix aliqa jutäwikïkchi ukasa, kunapachatix mistunipkta ukapachax jaqinakaxax q'umäsipkänwa, ukhamasti jichhax q'umakïsipkiwa —sasa.

1 Samuel 21:5 Jak'a apnaqawi uñst'ayäwi

Éxodo 19:14

Moisesajj kollutjja sarakanjjänwa israelit jakenacaru waquichañataqui, Diosaru catuyasipjjañapataqui; uqhamarac israelitanacajj isinacapjja t'ajjsusipjjänwa.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Éxodo 25:30

Uca mesarojj sapa cutipuniw t'ant'jja uchäta nayan nayrakatajjanjja.

Levítico 24:9

Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Levítico 8:26

Cuna canastillonacatejj ucan utjcäna jan levaduran t'ant'ani cuna, cunatejj Tatitun nayrakataparu uchascäna, ucanacatsti Moisesajj mä jan levaduran t'ant'a aptaraquïna, uqhamaraqui mä t'ant'ampi cunatejj aceitempi chaputäcäna uca quipcaraqui mä sillp'a t'ant'ampi, take ucanacsti liq'inacampi uqhamarac uca cupi charampi chicwa apnokaraqui;

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

1 Pedro 3:17

Juc'amp sumaw asqui lurasin t'akhesiñajja, Diosatejj munchi ucajja, ñankha luräwinac toke t'akhesiñat sipansa.