1 Samuel 21:4 - Qullan Arunaca

⁴ Sacerdotesti saraquïnwa: —Cuna t'ant'a apt'atäctejj ucajj janiw aleka t'ant'aquïquiti, jan ucasti Tatitur loktatawa. Ucampisa churämawa jakenacamatejj jan warminacampi jac'ascani ucapachajja.

Aymar Bibliia 1986

⁴ Sacerdotesti saraquïnwa: —Cuna t'ant'a apt'atäctejj ucajj janiw aleka t'ant'aquïquiti, jan ucasti Tatitur loktatawa. Ucampisa churämawa jakenacamatejj jan warminacampi jac'ascani ucapachajja.

Qullan Arunaka DC

⁴ 4 (5) Sacerdotex sarakïnwa: —Utjkitu uka t'ant'ax janiw aliqa t'ant'äkiti, jan ukasti Tatitur luqtatawa, ukampis juman jaqinakamatix warminakampi jan jak'achasis jakapxchi ukkhax churirismawa —sasa.

1 Samuel 21:4 Jak'a apnaqawi uñst'ayäwi

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Éxodo 25:30

Uca mesarojj sapa cutipuniw t'ant'jja uchäta nayan nayrakatajjanjja.

Levítico 15:18

“Mayni chachatejj mä warmimpi iquintani mayachasisa, uca khepatsti panpachaniw umampi jarekasjjapjjani, panpachaniraquiwa jayp'ucama k'añut uñt'ata kheparapjjani.

Zacarías 7:3

jisct'añapataquiraqui profetanacaru, sacerdotenacampiru take ch'amani Tatitun templopjjata: “¿Imasipcaquïti sapa mara pheska phajjsi sarakataru amtasis jachañampi ayunañampjja, cunjämatï jichhacama lurarapipjjta uqhamjja?” sasa.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

1 Samuel 21:3

Uqhamasti, ¿cuna mank'acha juman utji? Pheska t'ant'a churita, jan ucajj cuntejj jicjjatcäta ucsa —sasaw Davidajj säna.

1 Samuel 21:6

Uqhamasti sacerdotejj uca Tatitur loktata t'ant'jja Davidaruw churjjäna. Ucansti janiraquiw yakha t'ant'ajj utjcänti, uca loktat t'ant'anacaquïnwa, uca quipca urpacharaquiw altaratjja apakatäjjäna, ucat uca lantjja junt'u t'ant'a uscjjañataqui.