1 Samuel 20:1 - Qullan Arunaca

¹ Davidasti Naiot sisqui uca Ramá chekatjja, cawqhanccäntejj Jonatanajj ucaruw sarawayjjaraquïna, yatiyañataqui: —¿Nayajj cunsa lurtjja? ¿Cunas juchajjajja? ¿Cuna juchsa awquima nayrakatana lurtjja, nayar jiwayañatac thakhañapataquejja? —sasa.

Aymar Bibliia 1986

¹ Davidasti Naiot sisqui uca Ramá chekatjja, cawqhanccäntejj Jonatanajj ucaruw sarawayjjaraquïna, yatiyañataqui: —¿Nayajj cunsa lurtjja? ¿Cunas juchajjajja? ¿Cuna juchsa awquima nayrakatana lurtjja, nayar jiwayañatac thakhañapataquejja? —sasa.

Qullan Arunaka DC

¹ Davidasti Ramá markankir Naiot chiqat jaltxäna, kawkhankkäntix Jonatanax ukkharuw saräna, jupar sañataki: —¿Kunarak lurtsti? ¿Kunas juchaxaxa? Awkiman nayraqatapansti, ¿kuna jucharak lurtsti nayar jiwayañatak thaqhañapatakisti? —sasa.

1 Samuel 20:1 Jak'a apnaqawi uñst'ayäwi

Salmos 54:3

jach'a jach'a tucurinacaw nayatac sartasipjje, khoru jakenacaw jiwayañ munapjjetu. ¡Janiw Diosar ajjsartañapajj utjquiti!

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.

1 Juan 3:21

Uqhamasti munat jilatanaca, chuymasatejj jan juchañchcchistu ucajja, iyawsañasaw utjistu Diosan nayrakatapana;

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 19:1

Saúl reyejj, Jonatán yokapampiru, uqhamarac take oficialanacapampirojj Davidar jiwayapjjañapataquiw arsüna. Ucampisa cunjämatejj Jonatanajj Davidaru wali munänjja,

1 Samuel 19:18

Uqhamwa Davidajj jaltjjäna. Ramá sisqui uca chekaruw saräna Samuelor uñjiri. Take cunanactejj Saúl reyejj juparu lurcän take ucanacwa yatiyäna. Ucatsti Davidampi, Samuelompejj Naiot chekaruw jaquiri sarjjapjjäna.

1 Samuel 20:2

Jonatanasti saraquïnwa: —¡Diosajj jan munpati! ¡Janiw jiwaycätamti! Jumajj amuyam, awquejjajj janiw cunsa lurcaspati, take cuna lurañataquisa, nayarupuniw yatiyitojja. ¿Cunataraqui awquejjasti nayaru uca lurañsti jan yatiyitaspasti? ¡Janiw uqhamäcaspati! —sasa.

1 Samuel 20:32

Ucampisa Jonatanajj saraquïnwa: —¿Cunatsa jupajj jiwanejja? ¿Cuna jan wali luratapas utjejja? —sasa.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

1 Samuel 24:12

¡Tatituy jichhajj jiwasa paniniru uñjistpan, ucatsti juchañcharaquitpan juma contra juchajj utjchitu ucapachajja! Ucampisa nayajj janipuniw amparajj aytcäti jach'a rey contrajja.

1 Samuel 24:17

Davidarojj säna: —Chekpachansa jumajj amuyunïtawa. Nayarusti asquimpiw cuttayistajja, juma contra ñankha luratajjatjja.

1 Samuel 24:9

saraquïnwa: —Jach'a reyisti, ¿cunataraqui qhitinacatejj nayjjat jan walinac parlapqui ucanacaru ist'isti, nayajj juma contra cunsa thakquirista uqhama?

1 Samuel 26:18

Ucampisa, ¿cunataraqui jach'a reyisti aca sirviriparu arcanakesti? ¿Cunaraqui nayasti lurtsti? ¿Cuna jan walcha lurtjja?