1 Samuel 20:1 - Qullan Arunaka DC

¹ Davidasti Ramá markankir Naiot chiqat jaltxäna, kawkhankkäntix Jonatanax ukkharuw saräna, jupar sañataki: —¿Kunarak lurtsti? ¿Kunas juchaxaxa? Awkiman nayraqatapansti, ¿kuna jucharak lurtsti nayar jiwayañatak thaqhañapatakisti? —sasa.

Aymar Bibliia 1986

¹ Davidasti Naiot sisqui uca Ramá chekatjja, cawqhanccäntejj Jonatanajj ucaruw sarawayjjaraquïna, yatiyañataqui: —¿Nayajj cunsa lurtjja? ¿Cunas juchajjajja? ¿Cuna juchsa awquima nayrakatana lurtjja, nayar jiwayañatac thakhañapataquejja? —sasa.

Qullan Arunaca

¹ Davidasti Naiot sisqui uca Ramá chekatjja, cawqhanccäntejj Jonatanajj ucaruw sarawayjjaraquïna, yatiyañataqui: —¿Nayajj cunsa lurtjja? ¿Cunas juchajjajja? ¿Cuna juchsa awquima nayrakatana lurtjja, nayar jiwayañatac thakhañapataquejja? —sasa.

1 Samuel 20:1 Jak'a apnaqawi uñst'ayäwi

Salmos 54:3

3 (5) jach'a jach'a tukurinakaw nayatak sartasipxi, qhuru jaqinakaw jiwayañ munapxitu. ¡Janiw Diosar axsartañapax utjkiti!

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.

1 Juan 3:21

Munat jilatanaka, chuymasatix jan juchañchkistan ukaxa, Diosan nayraqatapan iyawsañaw utjistu;

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 19:1

Saúl reyix Jonatán yuqapampiru, taqi jilïrinakapampirux Davidar jiwayapxañapatakiw arsüna. Ukampis Jonatanan Davidaru wali munatap laykux

1 Samuel 19:18

Davidax ukham jaltxäna. Ukatsti Ramá chiqaruw Samuelur uñjir saräna, kuntix Saúl reyix juparu lurkän ukanak yatiyarakïna. Ukatsti Davidampi, Samuelumpix Naiot chiqaruw jakir sarxapxäna.

1 Samuel 20:2

Jonatanasti sarakïnwa: —¡Tatitux jan munpati! ¡Janiw jiwaykätamti! Awkixax nayar jan yatiyasax janiw kunsa lurkaspati. ¿Kunatarak jumar jiwayañ jan yatiyitaspasti? ¡Janiw ukax ukhamäkaspati! —sasa.

1 Samuel 20:32

Jonatanasti sarakïnwa: —¿Kunatarak jiwaspasti? ¿Kuna jan walirak luristi? —sasa.

1 Samuel 24:11

11 (12) “¡Jach'a munañan rey, kunatix amparaxankki uk uñjam! Naya pachpaw isimat mä jisk'a khuchhuqta. Ukampix jumax munañan rey amuyxasmaw janiw nayax jiwayañ munksmati, janirakiw juma reyirux kuna jan walsa lurksmati. Ukampis jumax, jiwayañatakiw nayar arknaqista.

1 Samuel 24:12

12 (13) ¡Jichhasti Tatituy jiwasa paninirux taripistpan, jiwasan jan wali luratanakas uñjarakpan! Ukampisa nayax janipuniw juma reyitakix amparax aytkäti.

1 Samuel 24:17

17 (18) Davidarux säna: —Chiqpachansa wali sum lurtaxa. Jumaru jan wali lurataxatsti nayarux askimpiw kutt'ayista.

1 Samuel 24:9

9 (10) sarakïnwa: —¿Kunatakis jaqin arunakapar yäqta, khitinakatix Davidax jumar jan wal lurañ amtaski ukham parlirinakarusti?

1 Samuel 26:18

Ukampisa, ¿kunatarak jumasti munañan rey aka luqtirimar arkanaqtasti? ¿Kunaraki nayasti lurtsti? ¿Kunas juchaxaxa?