1 Samuel 2:18 - Qullan Arunaca

¹⁸ Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

Aymar Bibliia 1986

¹⁸ Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

Qullan Arunaka DC

¹⁸ Samuel waynasti efod sat lino isimpi isthapt'ataw Tatitun nayraqatapan luqtaskäna.

1 Samuel 2:18 Jak'a apnaqawi uñst'ayäwi

2 Samuel 6:14

Davidasti efod lino sat isimpi ist'ataraquiw saräna, take ch'amapampiraquiw thokt'asïna,

1 Crónicas 15:27

Davidasti suma linota lurat efod sat isimp isthapitawa saräna, uqhamarac take levitanacajj arca apapcäna ucanacasa, uqhamarac k'ochurinacasa, Quenanías chachasa, jupasti uca apañanwa sarayäna; ucjjarusti Davidajj linot lurata suma isimp uchatänwa.

Éxodo 28:4

Aqham isinacwa lurapjjañapajja: Pectoral sata nayräjja pechotaqui lurata, Efod sata jan mangasan jach'a camisa, mä jach'a capa isi, ucasti callachita khepäjj cayucamäñapawa, túnica sat jach'a jan mangasan isi cayucama, ucasti suma bordatäñapawa, mitra sata p'eketaqui mä coronar uñtata, uqhamarac mä cinturona. Uqhama suma isinacwa lurapjjäta Aarón jilamataqui, uqhamarac wawanacapataquisa, uqhamata jupanacajj nayan sacerdotenacajj-jamajj cunsa lurapjjañapataqui.

Levítico 8:7

Ucat Aaronarojj túnica sat isimpiw uchantaraquïna, cinturonampi jiythapisinsti, capampiw isthapiyaraquïna; ucatsti efod isimpiw uscuraqui, ucatsti uca efodjja pachpa cintapampiw wali chint'araquïna.

1 Samuel 14:3

Efod sata isi apiristi, Ahitob sat jaken Ahías yokapänwa. Uca Ahitob jakesti Icabod jaken sobrinopänwa, ucasti Finees sat jaken yokaparaquïnwa, Elí chachan allchhiparaqui, qhititejj Silo sat chekan Tatitun sacerdotepäcän uca. Jakenacasti janiw Jonatanan saratapjja yatipcataynati.

1 Samuel 2:11

Ucatsti Elcanajj utaparuw cuttawayjjaraquïna, Ramá chekaru, ucampisa wawajj Tatitur sirvisawa kheparjjaraquïna, Elí sacerdoten arsutapwa phokharaquïna.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.

1 Samuel 22:18

Ucatwa reyejj edomita Doeg sat jakeruw ordenaraquïna: —¡Juma jiwarayam! —sasa. Uqhamasti Doeg sat jakejj sacerdotenacar catuntasinjja, quimsakallko tunca pheskani jakenacwa jiwarayäna. Jupanacasti efod sat linot lurat isimpi ist'atcamaquïpjjänwa.

1 Samuel 3:1

Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.