1 Samuel 2:18 - Qullan Arunaka DC

¹⁸ Samuel waynasti efod sat lino isimpi isthapt'ataw Tatitun nayraqatapan luqtaskäna.

Aymar Bibliia 1986

¹⁸ Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

Qullan Arunaca

¹⁸ Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

1 Samuel 2:18 Jak'a apnaqawi uñst'ayäwi

2 Samuel 6:14

Davidax taqi ch'amapampiw Tatit nayraqatan thuqt'asïna, efod sat lino isimpi isthapita.

1 Crónicas 15:27

Davidasa, arca apapkän uka levitanakasa, q'uchurinakasa, arca apañ sarayir Quenanías sat chachas lino isimpi isthapitaw sarapxäna; ukhamarus Davidax linot lurat efod isimpi uskt'atänwa.

Éxodo 28:4

Aka isinak lurapxañapa: Pectoral sat nayräxar uchasiña, Efod sat isi, mä capa, suma p'itakipat túnica isi, linot lurat p'iqi ch'uqt'asiñ isi, ukhamarak mä wak'ampi. Ukhamasti suma isinak Aarón jilamatakisa, wawanakapatakis lurapxäta, jupanakan nayan sacerdotenakaxjam luqtañapataki.

Levítico 8:7

Ukatsti Aaronarux sacerdote isimpiw isintayäna, mä wak'ampiw wak't'ayarakïna. Ukxarusti túnica sat isimpiw uskuntäna, uka patxarux pectoral sat isimpiw isintayäna, pachpa pectoralan chint'añapampiw uka túnica chint'arakïna.

1 Samuel 14:3

Efod isi apiristi Ahitub jaqin Ahías yuqapänwa, Icabod jaqin sobrinopa, ukasti Finees jaqin yuqapänwa, Elí chachan allchhiparaki, khititix Siló chiqan Tatitun sacerdotepäkän uka. Jaqinakasti Jonatanan sarxatap janiw yatipkataynati.

1 Samuel 2:11

Ukatsti, Elcaná chachax utaparuw kuttawayxäna Ramá sat chiqaru, ukampis Samuel wawax Elí sacerdotempiw Tatitur luqtañatak qhiparäna.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.

1 Samuel 22:18

Ukat reyix edomita Doeg sat jaqirux säna: —¡Jumapun jiwarayam! —sasa. Ukhamasti Doeg sat jaqix sacerdotenakar katuntasinxa, kimsaqallq tunka phisqaniruw jiwarayäna, jupanakasti linot lurat efod sat isimpi isthapitäpxänwa.

1 Samuel 3:1

Samuelusti Elí sacerdoten arsutanakap phuqhasaw Tatiturux luqtaskakïna. Uka urunakansti Tatitux janiw kuna arunaksa aliqaki khitirus yatiyirïkänti, janirakiw khitis aliqaki kuna unañchäwinaksa uñjirïkänti.