1 Samuel 17:1 - Qullan Arunaca

¹ Filisteo jakenacasti walja soldadonacwa guerran nuwasiñataqui tantachapjjäna, Soco sisqui uca chekaruw tantacht'asipjjäna, ucasti Judá orakenquiwa, Efes-damin sat chekaruw purintapjjäna, Soco, uqhamarac Azeca sisqui uca taypiru.

Aymar Bibliia 1986

¹ Filisteo jakenacasti walja soldadonacwa guerran nuwasiñataqui tantachapjjäna, Soco sisqui uca chekaruw tantacht'asipjjäna, ucasti Judá orakenquiwa, Efes-damin sat chekaruw purintapjjäna, Soco, uqhamarac Azeca sisqui uca taypiru.

Qullan Arunaka DC

¹ Judá uraqinsti, Socó siski uka chiqan filisteonakax walja soldadonak nuwasiñatak tantachapxäna, Efes-damin sat chiqaruw utjnuqtapxäna, Socó, Azecá uka taypina.

1 Samuel 17:1 Jak'a apnaqawi uñst'ayäwi

1 Crónicas 11:13

Jupajj Pas-damim chekana Davidampïscänwa, cunapachatï ucan filisteo jakenacajj nuwasiñataqui tantachasipcäna ucqha. Ucansti cebada yapuw utjäna, cunapachatï israelita tamajj filisteo jakenacan nayrakatapata jaltjjapjjäna ucqhajja,

2 Crónicas 11:7

Bet-sur, Soco, Adulam,

2 Crónicas 28:18

Yakha toketjja filisteonacaraquiw pampanquiri marcanacatjja aparapjjäna, uqhamarac Judá orakenquir Néguev marcatsa. Jupanacasti catuntasipjjänwa Bet-semes chekatjja Ajalón, Gederot ucanaca, Soco chekatjja Timna, Gimzo ucanacaraqui jisc'a marcanacapamppacha, ucatjja uca marcanacanaracwa utjnoktapjjäna.

Jeremías 34:7

Ucañcamasti Babilonia reyin soldadonacapasti Jerusalén marcaruw wali nuwantasinipcäna, uqhamaraqui Laquis, Azeca sisqui uca marcanacarusa, cawquïri suma perkanacampi muyuntata marcanacatejj Judá oraken kheparcatayna uca marcanacarusa.

Josué 15:35

Jarmut, Adulam, Soco, Azeca,

Jueces 3:3

Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.

1 Samuel 14:46

Saúl reyisti filisteo jakenacaru arctañjja jaytjjaraquïnwa, jupanacasti orakeparuraquiw cuttjjapjjäna.

1 Samuel 14:52

Filisteonac contra nuwasiñasti walipunïnwa, Saúl reyin jacañapanjja, uca laycuraquiw Saúl reyejj mä suma ch'amani ejercitonaca sayt'ayaraquïnjja, take ch'amani uqhamarac jan ajjsariri chachanacasti ejercitorcama jawsataraquïnwa.

1 Samuel 7:7

Filisteonacasti israelitanacan Mizpa chekan tantacht'atätap yatisinjja, filisteonacan jilïrinacapajj israelitanac contraw jutapjjäna. Israelitanacasti uc ist'asinjja wal ajjsarapjjäna.