1 Samuel 13:6 - Qullan Arunaca

⁶ Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.

Aymar Bibliia 1986

⁶ Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.

Qullan Arunaka DC

⁶ Israelitanakasti jan walt'añan jikxatasipxäna, filisteonakan jupanakar nuwantatap laykusti putunakaru, uraqi p'ujrunakaru, qarqa taypinakaru, q'awanakaru, phujunakaruw imantasipxäna.

1 Samuel 13:6 Jak'a apnaqawi uñst'ayäwi

2 Samuel 24:14

Davidasti Gad profetarojj saraquïnwa: —Janiw cun lurt'irjamäctsa. Jichhajj waliquïspaw Tatitun amparaparu catuyasjjañasajja, qhuyapayasiñapasti wali jach'awa, janiw waquisquiti jakenacan amparanacaparu jalt'añasajja —sasa.

Isaías 42:22

ucampis aca marcarojj lunthatjapjjewa, k'epsuwayapjjaraquiwa, takenirus preso catuntapjjaraqui, calabozonacaruw jist'antapjjaraqui; jupanacsti catuntasipjjaraquiwa, janiraquiw qhitis jupanacat arjjatirejj utjquiti; jupanacsti lunthatawayapjjewa, ucampis janiw qhitis khespiyirejj utjquiti.”

Jeremías 41:9

Cawquïri p'iyarutejj Ismaelojj uca jiwarat jakenacan janchinacapa willintcäna ucasti pachpa cuntejj Asa sat reyejj lurayascatayna cunapachatejj Baasa sat Israelan reyipajj jupampi nuwasir sarcatayna uca pachpa p'iyänwa. Uca p'iyasti wali jach'änwa, ucampisa cuntejj Ismael jakejj jiwaraycatayna uca jiwatanacampi phokhantatajjänwa.

Ezequiel 33:27

“Jichhajj nayan sutejjaru jupanacarojj parlam: ‘Naya Tatituw sutejj laycu arsta, cawquïrinacatejj uca t'unjata marcanacan jacapqui ucanacasti, jiwarayataw uñjasipjjani, pampan utjirinacarusti montenquir animalanacampiw mank'antayaraquëjja, cawquïrinacatejj karkanacana, karka p'iyanacan jacapqui ucanacasti cunayman usumpiw jiwarapjjani.

Filipenses 1:23

Nayataquejj wali ch'amawa aca payat cawquïri ajllisiñasa, mä toketjja jiwañ munirista ucat Cristompi chicäjjañataqui, ucasti nayataquejj juc'amp sumäspawa.

Hebreos 11:38

Uca jakenacataquejj acapachajj janiw asquïcänti; wasaranacana, kollunacana, putunacana, orak p'iyanacanwa sarnakapjjäna.

Josué 8:20

Cunapachatejj Hai marcanquir jakenacajj khepa toker uñtasinipjjän ucqhajj, marcapajj ninaw naqhascäna jiwk'esti chica alajjpachcamaw maqhatäna, janiraquiw jupanacajj cawqharus jaltañ puedipcänti, cawquïri israelitanacatï wasar toker sarapcän ucanacajj cutt'anisinjja jupanacaruw cutjjatapjjaraquïna.

Jueces 10:9

Ucampis amonitanacajj Jordán jawirjja maqhatanipjjaraquiquïnwa Judá, Benjamín, Efraín sat tribunquirinacampi nuwasiñataqui. Uqhamaw israelitanacajj wali llaquita, jan walt'añana jicjjatasipjjäna.

Jueces 20:41

Ucat israelitanacasti cutjtapjjänwa nuwasiñataqui. Ucampis benjaminitanacajj ajjsarthapiyasipjjänwa jan walt'añajj jupanacaru jac'achanitapata.

Jueces 6:2

Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.

1 Samuel 13:15

Ucat ucapachaw Samuelojj Gilgal chekatjja sarawayjje thaquipanjama. Chicat ejercitosti Saúl rey chicaraquiw nuwasiñataqui khepararaqui, Gilgal sisqui uca chekatsti Gabaa sisqui ucawjaruw puripjjäna Benjamín orakeru. Ucanwa Saúl reyejj jakenacapa jacthapisïna, kawkhanitejj jupampïcän ucanaca, takpachasti sojjta pataca chachanacänwa.

1 Samuel 14:11

Uqhamaw filisteonacampejj jupanacajj panpachani uñjayasipjjäna. Acanacasti uñjasajj sapjjänwa: “Uñtapjjam, hebreonacajj cawquïri putunacarutejj imantasipcatayna ucanacatjja misturanjjapjjataynawa” sasa.

1 Samuel 14:22

Cawquïri israelitanacatejj Efraín kollunacan imantasitäpcän ucanacasti, filisteonacan chhuctjjatapa yatisinsti, tucjañataquiw arctapjjäna.

1 Samuel 23:19

Ucampisa Zif chekan utjiri jakenacajj Gabaa sisqui uca chekaruw sarapjjäna Saúl reyimpi parlañataqui, sapjjaraquïnwa: —Davidajj nanacan orakejjan imantatäsquiwa, Hores tokena, Haquila sisqui uca kolluna, cawquïri imantasiñanacatejj aynach wasar token utjqui ucana.

1 Samuel 24:3

Sarcasinsti mä oveja uyunacaruw purïna. Uca jac'ansti mä putuw utjaraquïna. Ucanwa Davidampi jakenacapampejj imantatäsipcaraquïna. Saúl reyisti uca puturuw mantaraquïna samart'añataqui.

1 Samuel 31:7

Israelitanacasti, cawquïrinacatejj vallet qhurcatana, uqhamarac Jordán jawirat inti jalsu token jacapcäna ucanacasti, israelita tama soldadonacan jaltjjapjjatap uñjasinsti, uqhamarac Saúl reyiru, wawanacapampiru jiwaratapa uñjasinsti, jupanacajj marcanacap apanucuwayasinjja jaltjjapjjaraquïnwa. Ucatsti filisteonacajj uca marcanacar purinisinjja pachpa marcanacanwa jacapjjäna.

1 Samuel 7:7

Filisteonacasti israelitanacan Mizpa chekan tantacht'atätap yatisinjja, filisteonacan jilïrinacapajj israelitanac contraw jutapjjäna. Israelitanacasti uc ist'asinjja wal ajjsarapjjäna.