1 Samuel 13:6 - Qullan Arunaka DC

⁶ Israelitanakasti jan walt'añan jikxatasipxäna, filisteonakan jupanakar nuwantatap laykusti putunakaru, uraqi p'ujrunakaru, qarqa taypinakaru, q'awanakaru, phujunakaruw imantasipxäna.

Aymar Bibliia 1986

⁶ Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.

Qullan Arunaca

⁶ Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.

1 Samuel 13:6 Jak'a apnaqawi uñst'ayäwi

2 Samuel 24:14

Davidasti ukxaruw Gad profetar sarakïna: —¡Nayatakix wali ch'amaw uka kimsat may ajlliñaxa! Ukampis Tatitux khuyapayasiriwa, ukhamasti jupakiy kunjämarutix munki ukhamarjam mutuyitpan. Janiw uñisirinakaxan t'aqhisiyat uñjasiñ munkti —sasa.

Isaías 42:22

ukampis Israel markax q'al apt'asiwayi; uñisirinakapaw yänakapsa q'al aparawayxi; mayninakax uraq p'iyanakaruw imantasipxi, yaqhipanakasti katuntataw uñjasipxi, ¡janiw khitis jupanakar arxatirix utjkiti!”

Jeremías 41:9

Kawkïr phuch'urutix Ismael jaqix uka jiwarat jaqinakan janchinakap jaquntkäna ukasti, Asá sat reyin lurayasit pachpa phuch'ünwa, uksti Baasá sat Israelan reyipax jupampi nuwasir sarkatayna ukat jark'aqasiñatakïnwa. Uka phuch'usti wali jach'änwa, ukampis khitinakarutix Ismael jaqix jiwaraykatayna uka jiwatanakan janchipampi phuqhantatäxänwa.

Ezequiel 33:27

“Jupanakar sarakim: ‘Tatitux akham siwa: Naya, Tatituw sutix layku arsta, t'unjata markanakan jakirinakax jiwarayataw uñjasipxani, pampan utjirinakarusti montenkir animalanakaw manq'antani, qarqanakana, qarqa p'iyanakan jakirinakasti kunayman usumpiw jiwarapxani.

Hebreos 11:38

Akapachax janiw jupanakatakix askïkänti; wasaranakana, qullunakana, putunakana, uraq p'iyanakan khuy aka sarnaqapxäna.

Josué 8:20

Kunapachatix Ai markankir jaqinakax qhipa tuqir uñtanipkän ukkhasti, markapax nina nakhaskiri jiwq'isti chika alaxpachkam makhataskir uñjapxäna, janirakiw jupanakax kawksarus jaltirjamäpkänti, kawkïr israelitanakatix wasar tuqir jaltapkäna ukanakax kuttanisin jupanakaruw kutxatapxäna.

Jueces 10:9

Amonita jaqinakasti Jordán jawir makhatapxäna, Judá, Benjamín, Efraín ayllunkirinakamp nuwasiñataki, israelitanakax jan walt'añanpun jikxatasipxäna.

Jueces 20:41

Ukat israelitanakax jupanakar saykatapxäna, benjaminitanakasti jan walt'añankatap amuyasisin axsarthapipxänwa.

Jueces 6:2

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

1 Samuel 13:15

Ukat ukspachaw Samuelux Guilgal chiqat thakhipanjam sarxäna. Chikat soldadonakasti Saúl reyimpiw nuwasiñatak sarapxäna, Guilgal chiqatsti Benjamín uraqinkir Guibeá chiqaruw puripxäna. Ukan Saúl reyix soldadonakapar jakthapïna, taqpachanix niya suxta patak chachanakänwa.

1 Samuel 14:11

Ukhamaw jupanakax filisteo soldadonakampix panpachani uñjayasipxäna. Soldadonakasti uñjasax sapxänwa: “Uñtapxam, israelitanakax kawkïri putunakarutix imantasipkäna ukanakat misturanxapxiwa” sasa.

1 Samuel 14:22

Efraín qullunakan imantasitäpkän uka israelitanakasti, filisteonakan chhuktxatap yatisinxa, jupanakar tukjañatakiw arktapxäna.

1 Samuel 23:19

Ukampis Zif chiqan utjiri jaqinakax Saúl reyimpi parliriw Guibeá chiqar sarapxäna, juparusti sapxänwa: —Davidax nanakan uraqixan imantasitäskiwa, Hores tuqina, Haquilá siski uka qulluna, kawkïri imantasiñanakatix aynach wasar tuqin utjki ukana.

1 Samuel 24:3

3 (4) Sarkasinsti mä oveja uyunakawjaruw purïna. Uka jak'ansti mä putuw utjäna, ukan Davidampi jaqinakapampix imantasitäsipkäna. Saúl reyisti uka puturux yaq'art'iriw mantäna,

1 Samuel 31:7

Israelitanakasti, khitinakatix qhirwat khurkatan jakapkäna, ukhamarak Jordán jawirat inti jalsu tuqin jakapkäna ukanakax israelita soldado tamanakan jaltxapxatapata, Saúl reyis yuqanakapamppach jiwarat uñjasinsti, jupanakax markanakap jaytasaw jaltxapxarakïna. Ukat filisteonakax uka markanakar purisax utjantasipxäna.

1 Samuel 7:7

Filisteonakasti israelitanakan Mispá chiqan tantacht'atätap yatisinxa, filisteonakan jilïrinakapax jupanakar tukjiriw sarapxäna. Uk yatisasti israelitanakax axsarayasipxänwa,