1 Samuel 10:19 - Qullan Arunaca

¹⁹ Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

Aymar Bibliia 1986

¹⁹ Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

Qullan Arunaka DC

¹⁹ Ukampis jichhax jumanakax Diosamarux jisk'achapxtawa, jupaw taqi jan walt'añanakatsa, llakisiñanakatsa qhispiyanipxtam, mä rey jumanakar apnaqañapataki mayisasti Diosaruw apanukupxtaxa. Uka layku, jichhax Tatitun nayraqatapar uñstapxam, ayllunakatkama, wila masi tamanakatkama —sasa.

1 Samuel 10:19 Jak'a apnaqawi uñst'ayäwi

Proverbios 16:33

Jakenacajja suertenacwa apsuyasipjje, ucampis Tatituw phokhayi munañaparjama cunjamäñapataquisa.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Números 11:20

jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, ‘¿Cunatsa Egiptot mistunpachätan?’ sasa.

Números 17:2

“Take israelitanacar parlam, sapakat tribut jilïrinacapajj mä vara apanipjjpan, junturusti tunca payan varanaca. Ucatsti jumaw sapakat maynin sutipa kellkaraquïta,

Deuteronomio 17:14

“Cunapachatejj Tatitu Diosamajj churapcätam uca oraker mantapjjäta, ucatsti catuntapjjäta uca orakenaca, ucan jacapjjaraquïta ucapachajj janiw sapjjätati: ‘Nanacajj mä reyinïñ munapjjta, nanacaru apnakañapataqui, cunjämatejj take yakha marcanacajj reyinïpqui uqhama’ sasa.

Josué 24:1

Josué chachasti take Israelan tribunacaparuw Siquem oraken tantachthapïna. Jawsayänwa awquinacaru, uqhamaraqui jilïri jakenacaru, juezanacaru, kellkerinacaru, ucatsti Diosan nayrakataparuw uñstapjjäna.

Jueces 8:23

Ucat Gedeonasti saraquïnwa: —Janiwa nayasa, ni wawajjasa jumanacarojj apnakapquirismati, jan ucasti Diosawa jumanacarojj apnakapjjätam.

1 Samuel 10:20

Ucjjarusti Samuelojj saraquïnwa take Israelanquiri tribunacarojja: “Jac'achasinipjjam” sasa. Ucatsti suertejj Benjamín triburuw wact'araquïna.

1 Samuel 12:12

Ucampisa cunapachatejj amonitanacan Nahas reyiparu jumanacar nuwiri jutcän uca uñjasajja jumanacajj mä rey apnakañapataqui mayipjjayätajja, jumanacan reyimajj pachpa Tatitu Diosäcchïn ucasa.

1 Samuel 14:23

Nuwasiñansti jupanacajj Bet-avén sisqui ucacamaw puripjjäna, Tatitusti Israel marcaparojj uca urunjja khespiyaraquïnwa.

1 Samuel 14:38

Ucat Saúl reyejj saraqui: —Jichhajj jac'achasinipjjam take ejerciton jilïrinacapa; yatjjatapjjam qhitis jichhürojj uca jucha luri.

1 Samuel 3:21

Tatitusti wasitatwa Silo sat uca chekan uñstaraquïna. Ucanwa Samuelorojj Tatitojj take arunacapa yatiyaraquïna. Ucatsti Samuelojj uca arunacwa take Israel marcarojj yatiyäna.

1 Samuel 4:1

Uca tiemponacansti filisteonacajj israelitanac contraw nuwasiñataqui mayacht'asipjjatayna, ucatwa israelitanacajj uca filisteo jakenacampi nuwasir mistupjjaraquïna, Ebenezer sat uca chekaruw carpanacap sayt'ayapjjaraquïna. Filisteonacasti Afec sat uca chekaruw carpt'asipjjaraquïna,

1 Samuel 8:19

Jakenacasti janiw Samuelon arunacapjja ist'apcänti jan ucasti sapjjänwa: —Janiw ucajj cunäquisa.

1 Samuel 8:5

aqham sapjjaraquïnwa: “Jumajj sinti chuymanëjjtawa, yokanacamasti janiraquiw jumjama sarnakapquiti, uca laycu mä rey utt'ayam nanacar apnakañapataqui, cunjämatejj take marcanacanjja utjqui uqhama” sasa.