1 Samuel 10:20 - Qullan Arunaca

²⁰ Ucjjarusti Samuelojj saraquïnwa take Israelanquiri tribunacarojja: “Jac'achasinipjjam” sasa. Ucatsti suertejj Benjamín triburuw wact'araquïna.

Aymar Bibliia 1986

²⁰ Ucjjarusti Samuelojj saraquïnwa take Israelanquiri tribunacarojja: “Jac'achasinipjjam” sasa. Ucatsti suertejj Benjamín triburuw wact'araquïna.

Qullan Arunaka DC

²⁰ Ukatsti Samuelux Israelan taqpach ayllunakaparuw jak'achasipxañapatak mayïna, suertesti Benjamín aylluruw wakt'äna.

1 Samuel 10:20 Jak'a apnaqawi uñst'ayäwi

2 Samuel 3:19

Abnerasti Benjamín tribunquir jakenacampejj parlaraquïnwa, ucatsti Hebronaruw sararaqui Davidar yatiyañataqui cuntejj Israel jakenacajj amtcatayna take ucanaca, uqhamaraqui Benjamín tribunquir jakenacas amtcatayna ucanacsa.

Jonás 1:7

Uccañcamasti, barco apnakerinacajj jupanaccamaw parlaquipasipjjäna: “Suerte jakopjjañäni, qhitis aqham jan waliru puriñataquejj juchanïpacha uc yatiñataqui” sasa. Suerte jakotatsti Jonasaw juchanejj mistüna.

Deuteronomio 33:12

Benjamín triburojj saraquïnwa: “Tatitu Diosan munatasti iyawsañampiw jacani; alajjpachanquir Diosaw wiñayatac imani. ¡Jupan imataw jacaraquini!” sasa.

1 Samuel 10:19

Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

1 Samuel 10:21

Ucjjarusti Benjamín triburuw saraquïna: —Jac'achasinipjjam —sasa. Ucatsti suertejj Matri sisqui uca jach'a familiaruraquiw wact'äna, ucatsti suertejj Cis chachan Saúl yokapjjaruraquiw purïna. Ucampisa thaktapjjänwa, janiraquiw jicjjatapcänti.

1 Samuel 14:38

Ucat Saúl reyejj saraqui: —Jichhajj jac'achasinipjjam take ejerciton jilïrinacapa; yatjjatapjjam qhitis jichhürojj uca jucha luri.

1 Samuel 14:41

Ucat Saúl reyejj art'araqui: —Tatitu, Israelan Diosapa, ¿cunatsa jichhürojj jan ist'ista naya sirvirimarojja? Nayatejj juchanïstjja, jan ucajj Jonatán yokajjas juchanïchejja, suerte jaktatatjja Urim ucaw mistuni; ucampisa juchatejj israelita jakenacancchejja, suerte jaktatasti Tumin ucaraquiw mistuni —sasa. Suertesti Saúl reyimpiru Jonatán yokapampiruw mistüna, uqhamat janiw jakenacajj juchañchatäcjjänti.