1 Reyes 3:5 - Qullan Arunaca

⁵ Mä arumasti Gabaón chekanjja, Tatituw samcana Salomonaru uñstäna, aqham sasa: “Mayita cuntï jumajj muncta uca, nayasti churämawa” —sasa.

Aymar Bibliia 1986

⁵ Mä arumasti Gabaón chekanjja, Tatituw samcana Salomonaru uñstäna, aqham sasa: “Mayita cuntï jumajj muncta uca, nayasti churämawa” —sasa.

Qullan Arunaka DC

⁵ Mä arumasti, Gabaón chiqanxa, Tatituw Salomonar samkan uñstäna, juparusti akham sarakïna: “Kuntix mayiñ munkista uk mayita, nayasti churämawa” sasa.

1 Reyes 3:5 Jak'a apnaqawi uñst'ayäwi

1 Reyes 11:9

Ucatsti Israelan Tatit Diosapajj colerasïnwa Salomonataqui, jupa Diosar munañ chuymapajj jan utj-jjatapata, cunjämatejj Diosajj pay cuti uñstasina,

1 Reyes 9:2

Tatitojj payïr cutinwa jupar uñstäna, cunjämatï Gabaón chekana uñstcäna uqhama.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Mateo 1:20

Uqham lup'isquipansti Tatitun mä angelapaw samcan uñstäna, ucatsti saraquïnwa: “José, Davidan wawapa, jan ajjsaramti Mariaru warmimat catokañjja, nascani uca wawasti Kollan Ajayutwa juti.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Mateo 2:19

Herodesajj jiwjjän uca khepatsti, wasitatwa Diosan angelapajj Josearojj samcan uñstaraquïna Egipto marcana, ucatsti saraquïnwa:

Marcos 10:36

Jesusasti jupanacarojj sänwa: —¿Cunjjay munapjjsta? —sasa.

Marcos 11:24

Ucatpï sapjjsmajja, take cuntejj Diosat iyawsañampi mayipjjätajja catokapcasma uqhamjja, ucajj uqhamäniwa.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 15:7

“Jumanacatejj nayampi mayaquïsipcätajja, janirac yatichäwinacajj armapcäta ucajja, mayipjjam cuntejj munapcäta uca, ucatsti churatäpjjätawa.