1 Reyes 22:3 - Qullan Arunaca

³ Israelan reyipasti yanapirinacaparojj sänwa: —Jumanacajj yatipjjtawa Galaadanquir Ramot ucajj jiwasanquiwa. Ucatjja, ¿Janit cunsa lurcsnajja sirio reyin amparapata cutsuyasiñataquejja? —sasa.

Aymar Bibliia 1986

³ Israelan reyipasti yanapirinacaparojj sänwa: —Jumanacajj yatipjjtawa Galaadanquir Ramot ucajj jiwasanquiwa. Ucatjja, ¿Janit cunsa lurcsnajja sirio reyin amparapata cutsuyasiñataquejja? —sasa.

Qullan Arunaka DC

³ Israelan reyipasti yanapirinakaparux sänwa: —Jumanakax yatipxtawa, Galaadankir Ramot markax jiwasankiwa. Jiwasanakasti, ¿janit kuns lurksna sirio reyin amparapat apaqasxañatakixa? —sasa.

1 Reyes 22:3 Jak'a apnaqawi uñst'ayäwi

2 Samuel 19:10

Jichhasti Absalonajj, cawquïrirutejj jiwasajj reyit utt'ayasiyätan ucajj, guerran jiwaraqui. ¿Cunsa jichhajj suyañäni, rey Davidaru cuttayaniñataquejja?” sasaw parlasipjjäna.

1 Reyes 22:29

Uqhamawa Israelana reyipampi, uqhamarac Judá ucanquir Josafat reyipampisa sarantasipcaquïna Galaadanquir Ramot marca nuwantiri.

1 Reyes 4:13

Ben-Geber, jupasti Galaad chekanquiri Ramot oraketa, ucatsti juparojj wact'araquïnwa uñjaña Galaad ucanquiri jisc'a marcanacaru, ucanacasti Manasés ucan Jair yokapancänwa, uqhamarac Argob uca orakenacasa, ucasti Basán chekanwa jicjjatasïna. Cawqhantejj sojjta tunca jach'a marcanacajj utjcäna jach'a perkanacani, uqhamarac bronceta cerrojonacani;

2 Reyes 8:28

Ocozías reyisti Acab chachan Joram sat yokapampiwa mayachasïna Galaadanquir Ramot chekana Siria marcanquir Hazael sat reyimpi nuwasiñataqui. Ucampis sirio jakenacajja Joram reyirojj usuchjapjjänwa.

2 Reyes 9:14

Josafat chachan Jehú yokapaw Joram reyi toke amtäna, jupasti Nimsi chachan allchhipänwa. Joram reyejj Galaadanquir Ramot chekatwa tuwakasisa nuwasisipcäna Siria marcana Hazael reyin nuwir jutatapata.

Deuteronomio 4:43

Uca marcanacasti acanacänwa: Beser marca, wasara pata pampana; Rubén sat tributaqui; Ramot sat marca, Galaad orakena, Gad sat tributaqui; ucatsti Golán sat marca Basán orakena, chicat Manasés tributaqui.

Josué 20:8

Uqhamaraquiwa qhursa Jordán jawir thiyanjja, Jericó marca tokeru intis jalsunqui ucsatjja ajllipjjäna Beser sat marca, Rubén tribun orakepana. Ucatsti Galaad oraketjja Ramot sat marca ajllipjjäna, Gad tribun orakepana, uqhamaraquiw Basán orakenjja ajllipjjäna Golán sat marcaru, Manasés tribun orakepana.

Josué 21:38

Ucatsti Gad tributjja Galaad orakenquir Ramot sat marca churapjjäna, jake jiwayir jaken imantasiñapataqui, uqhamaraqui Mahanaim marca.

Jueces 16:2

Cunapachatejj Gaza marcanquirinacajj Sansón chachan ucancatapa yatisinjja, marcaru muyuntasina marca puncjja uru jornälpacharaquiwa uñch'uquipjjäna. Ucat arumarusti sarapjjaraquïnwa samart'iri. Jupanacasti amtapjjänwa arumarji alwa khantati jiwayaña.

Jueces 18:9

—Nanacajj uca chekanacjja uñjanipjjtwa; ucan orakenacajj wali sumawa. Jichhasti ¡sarantañäni jupanacar nuwantiri! ¡Jan jumanacajj ucqhanaqui konupjjamti jan cunsa lurasajja! ¡Waquisiwa uca orakenaca catuntasir sarañasajja!