1 Reyes 22:4 - Qullan Arunaca

⁴ Ucatjja Josafat reyiruw jisct'i: —¿Munasmati nayampi chica saraña Galaadanquir Ramot ucaru nuwantañataqui? —sasa. Josafat reyejj ucjjarojj sänwa: —Nayasa, uqhamarac ejercitojjasa, caballeriajjasa jumampïtwa, uqhamarac jakenacamampisa.

Aymar Bibliia 1986

⁴ Ucatjja Josafat reyiruw jisct'i: —¿Munasmati nayampi chica saraña Galaadanquir Ramot ucaru nuwantañataqui? —sasa. Josafat reyejj ucjjarojj sänwa: —Nayasa, uqhamarac ejercitojjasa, caballeriajjasa jumampïtwa, uqhamarac jakenacamampisa.

Qullan Arunaka DC

⁴ Ukatxa Josafat reyiruw jiskt'äna: —¿Nayampi chika Galaadankir Ramot marka katuntir sarañ munasmati? —sasa. Josafat reyisti ukxaruw säna: —Jumampi, nayampix pachpa markankirïtanwa, ejercitoxampi, caballeriaxampix jumampïpxtwa.

1 Reyes 22:4 Jak'a apnaqawi uñst'ayäwi

1 Reyes 22:29

Uqhamawa Israelana reyipampi, uqhamarac Judá ucanquir Josafat reyipampisa sarantasipcaquïna Galaadanquir Ramot marca nuwantiri.

1 Reyes 22:5

Ucampis nayrakatajj Tatitun munañapa jisct'am —sasa.

1 Reyes 4:13

Ben-Geber, jupasti Galaad chekanquiri Ramot oraketa, ucatsti juparojj wact'araquïnwa uñjaña Galaad ucanquiri jisc'a marcanacaru, ucanacasti Manasés ucan Jair yokapancänwa, uqhamarac Argob uca orakenacasa, ucasti Basán chekanwa jicjjatasïna. Cawqhantejj sojjta tunca jach'a marcanacajj utjcäna jach'a perkanacani, uqhamarac bronceta cerrojonacani;

2 Reyes 3:7

Ucatjja Judá orakenquir reyiruw aqham siri qhitäna: “Moab reyejj nayamp nuwasiñataquiw sayt'asi. ¿Munasmati nayampi saraña jupamp nuwasiri?” sasa. Ucatsti Judá orakenquir reyisti sänwa: “Nayajj jumampi chicajj sariristwa, uqhamaraquiw ejercitojjasa, caballeriajjasa jumampïpjjtwa, uqhamarac jakenacamampi.

2 Crónicas 18:3

Ucatjja Israelanquir Acab reyejj, Judá marcanquir Josafat reyirojj jisct'änwa: —¿Munasmati Galaadanquir Ramot chekaru nayamp chica nuwir sarañjja? —sasa. Josafat reyisti ucjjarojj sänwa: —Nayasa, uqhamarac ejercitojjasa jumampi, jakenacamampïpjjtwa guerrar sarañataquejja.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

2 Juan 1:11

Qhititejj aruntani uquïrejja, jan wali luräwinacaparu mayachascaspas uqhamawa.

Apocalipsis 2:26

Qhitinacatejj atipjcani uqhamarac cuntejj nayajj munctjja uc luririnacarojj marcanacjjaru munañanïñwa churäjja,