1 Corintios 6:3 - Qullan Arunaca

³ Jan ucajj ¿janich yatipcta jiwasanjj angelanacamppacharu taripañasäqui ucsa? Uqhamächi ucajja, juc'amp sumwa jiwasan quejanacasjja uñjañasajja.

Aymar Bibliia 1986

³ Jan ucajj ¿janich yatipcta jiwasanjj angelanacamppacharu taripañasäqui ucsa? Uqhamächi ucajja, juc'amp sumwa jiwasan quejanacasjja uñjañasajja.

Qullan Arunaka DC

³ ¿Janit yatipkta, jiwasanakax angelanakamppachar taripkañän uksti? ¡Ukhamächi ukasti juk'amp sum jiwasan ch'axwanakas uñjañasaxa!

1 Corintios 6:3 Jak'a apnaqawi uñst'ayäwi

Salmos 17:14

Tatay, ch'amamampiy jupanacat khespiyita; acapachat jupanacar jakonucum, acapachan jacañapajj tucuspan; yänacampejj kamirquipstasipcacpan, wawanacapajj phallañcam mank'apjjpan, allchhinacapataquis jilt'ascacpan.

Daniel (hebreo) 7:22

uca chuymani Jilïr jaken puriniñapcama, ucatsti uca chuymani jakejj Diosan marcaparojj chekaparuw uñjäna, horasasti purinjjaraquitaynawa Diosan marcapajj uca reino catuntasjjañapataqui.

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

Romanos 6:16

Jumanacajj wal yatipjjtajja cunjämatejj mä esclavojj mä patronaru sirviñataqui catuyasjjchi ucajja, patronaparojj ist'añapawa, uqhamaraquipï maynejj juchar catuyasjjchi ucajja, jucharusti ist'añapawa, ucasti jiwañaruraquiw api. Ucat sipan qhitinacatejj Diosar catuyasqui ucanacasti cheka cancañan sarnakañataquiw catuyasi.

1 Corintios 6:15

¿Janit yatipcta janchinacamajja Cristoncatapa? ¿Uca Cristonquir janchisti apakasin mä jan wali sarnaker warmirusti churaraquiristti? Janiw cunäquipansa uca lurañajj waquiscaspati.

1 Corintios 6:16

Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.

1 Corintios 6:19

¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,

1 Corintios 6:4

Jumanacatejj acapachan jan walt'añanacancapjjsta ucajja, ¿cunjämarac jan iglesiancqui uca jakenacarusti quejanacam uñjayasipjjtasti?

2 Timoteo 2:4

Janiw qhiti soldados cuartelanccasinjja yakha luräwinacar uchasquiti, jan ucasti comandantepan arsutaparjamaw sarnakañapa.

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.