1 Corintios 6:3 - Qullan Arunaka DC

³ ¿Janit yatipkta, jiwasanakax angelanakamppachar taripkañän uksti? ¡Ukhamächi ukasti juk'amp sum jiwasan ch'axwanakas uñjañasaxa!

Aymar Bibliia 1986

³ Jan ucajj ¿janich yatipcta jiwasanjj angelanacamppacharu taripañasäqui ucsa? Uqhamächi ucajja, juc'amp sumwa jiwasan quejanacasjja uñjañasajja.

Qullan Arunaca

³ Jan ucajj ¿janich yatipcta jiwasanjj angelanacamppacharu taripañasäqui ucsa? Uqhamächi ucajja, juc'amp sumwa jiwasan quejanacasjja uñjañasajja.

1 Corintios 6:3 Jak'a apnaqawi uñst'ayäwi

Salmos 17:14

Tatay, ch'amamampiy jupanakat qhispiyita; ¡akapachat jupanakar jaqunukum, akapachan jakañapax tukuspan! Yänakampix qamirkipstasipkakpan, wawanakapax phallañkam manq'apxpan, allchhinakapatakis jilt'askakpan.

Daniel (hebreo) 7:22

ukapachaw uka chuymani Jilïr jaqix purinïna, ukatsti Diosan markaparux chiqaparuw uñjäna, pachax phuqhasxataynawa Tatitun markapan apnaqäwi katuntasxañapataki.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Lucas 21:34

“Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

Lucas 8:14

Ch'aphinak taypir purir jathasti, khitinakatix aru ist'apki jupanakawa, ukampis juk'at juk'at kunayman llakisiñanakampi, qamir kankañampi, akapach kusist'añanakampiw atipjayasipxi, ukhamat achu jan churapkiti.

Romanos 6:16

Jumanakax askiw yatipxta, jumanakatix mä uywirir jaysañatak t'aqhisiyat jaqjam katuyasipxstaxa, ukhamasti jaysapxatam laykux uka uywirin t'aqhisiyat jaqinakapäpxtawa. Akasti akhamawa, juchar jaysapxät ukasti, uka juchax jiwañaruw puriyi, Diosar jaysapxät ukasti, chiqa kankañan jakapxäta.

1 Corintios 6:15

¿Janit yatipkta, janchinakamax Cristonkatapsti? ¿Criston janchipat apaqasin wachuq juchan sarnaqir warmirux churarakiristti? ¡Janiw ukhamäkaspati!

1 Corintios 6:16

¿Janit jumanakax yatipkta kunapachatix mä chachax wachuq juchan sarnaqir warmimpi mayachaski ukkhaxa, mä sapa janchik tukxapxatapsti? Qillqatan siwa: “Panpachanix mä sapa janchikiw tukxapxi” sasa.

1 Corintios 6:19

¿Janit yatipktasti jumanakan janchimax Diosan churata uka Qullan Ajayun utapätapsti, Qullan Ajayus jumanakan jakatapsa? Jumanakax janiw jumanakpachat munañanïpktati,

1 Corintios 6:4

Ukhamasti, jakäwiman ch'axwanakatix utjchixa, ¿kamisarak jan iglesiankirïpki uka jaqinakar ch'axwanak uñjapxañapatak uchapxtasti?

2 Timoteo 2:4

Janiw khiti soldados cuartelankkasin yaqha luräwinakar uchaskiti, jan ukasti jilïripan arsutaparjam sarnaqañapawa.

2 Timoteo 4:10

Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.