1 Corintios 5:4 - Qullan Arunaca

⁴ Jumanacajj Tatitun sutiparu tantacht'asipjjam, nayasti ajayunjja jumanac chicäyäwa, Tatitun ch'amapasti jumanac chicaraquïniwa.

Aymar Bibliia 1986

⁴ Jumanacajj Tatitun sutiparu tantacht'asipjjam, nayasti ajayunjja jumanac chicäyäwa, Tatitun ch'amapasti jumanac chicaraquïniwa.

Qullan Arunaka DC

⁴ Kunapachatix jumanakax tantachasipkät ukkhaxa, nayax ajayun jumanakampi chikäskä, Tatit Jesusan ch'amapas jumanakampi chikäskarakini. Ukhamasti Jesús Tatitusan sutipxaruw

1 Corintios 5:4 Jak'a apnaqawi uñst'ayäwi

Mateo 16:19

Churaraquïmaw Diosan reinopan llavenacapsa. Cuntejj jumajj acapachan chint'cätajj ucajja, alajjpachan chint'ataraquïniwa, cuntejj jumajj acapachan jararcätajj ucajja, alajjpachan jararataraquïniwa —sasa.

Mateo 18:20

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Juan 20:23

Jumanacatejj mayninacan juchanacapjj perdonapjjstajja, ucanacajj perdonatäjjewa; janitejj perdonapcstajja, ucanacajja janiraquiw perdonatäpquiti —sasa.

Hechos 16:18

Ucatsti walja urunacaw uqham arnakasisa arcnakapjjetäna. Ucampis Pablotaquejj ucajj janiw walïcänti. Ucatwa Pablojj cutiquipstasina, tawakoncquis uca ñankha ajayurojj säna: —Jesucriston sutiparuw sisma: ‘Uca tawakot mistum’ —sasa. Ñankha ajayusti ucspachaw tawakotjja mistuwayjje.

Hechos 3:6

Pedrosti sänwa: —Janiw koris, kollkes utjquituti, ucampis cunatï ujtquitu ucwa churäma: Nazaretanquir Jesucriston sutipar sayt'am, sartaraquim —sasa.

Hechos 4:30

Yanapt'apjjaraquitaya, jach'a ch'amamampi usutanacar kollañataqui, uqhamarac uñacht'äwinacsa, milagronacsa kollan Jesús Yokaman sutiparu lurapjjañajjataqui.”

2 Corintios 13:10

Aca cartjja kellkanipjjsmawa janïra jumanacar uñjir jutcasa, cunapachatï nayajj jutcä ucqhajj jan munañanïñajj cancañampi khoru tucuñajjataqui. Uca munañanïñsti Tatituw churitu jumanacar ajayu tokena jiltayañataqui, janiw t'unjañataquiti.

2 Corintios 13:3

Ucqhapï jumanacajj Criston naya toke parlatapjja yatipjjätajja, jumanacasti ucjja wal uñjañ munapjjtajja. Tatitusti arust'äwinacapanjja janiw t'uqhäquiti jumanac taypinjja, jan ucasti ch'amapwa uñacht'ayapjjtamjja.

2 Corintios 2:6

Cuna mutuyäwtï uca jakeru jumanacajj tantachasïwiman churapcta ucajj phokhataquiwa.

Efesios 5:20

Dios Awquirojj take cunatsa yuspagarapjjapunim, Tatit Jesucristosan sutiparu.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

2 Tesalonicenses 3:6

Jilatanaca, ewjjt'apjjsmawa Tatit Jesucristosan sutiparu, jithektapjjam cawquïr jilatatejj jan irnakañ munqui ucatjja, uqhamarac cuntejj nanacajj yatichapjjsma ucarjama jan sarnakañ munirinacatjja.

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa: