1 Corintios 5:4 - Qullan Arunaka DC

⁴ Kunapachatix jumanakax tantachasipkät ukkhaxa, nayax ajayun jumanakampi chikäskä, Tatit Jesusan ch'amapas jumanakampi chikäskarakini. Ukhamasti Jesús Tatitusan sutipxaruw

Aymar Bibliia 1986

⁴ Jumanacajj Tatitun sutiparu tantacht'asipjjam, nayasti ajayunjja jumanac chicäyäwa, Tatitun ch'amapasti jumanac chicaraquïniwa.

Qullan Arunaca

⁴ Jumanacajj Tatitun sutiparu tantacht'asipjjam, nayasti ajayunjja jumanac chicäyäwa, Tatitun ch'amapasti jumanac chicaraquïniwa.

1 Corintios 5:4 Jak'a apnaqawi uñst'ayäwi

Mateo 16:19

Jumarusti Diosan qhapaq markapan munañanïñ churäma; kuna lurañanaktix jumax akapachan jark'käta ukasti, alaxpachan jark'atarakïniwa, ukampis kuna lurañanaktix jumax akapachan luraykäta ukasti, alaxpachan luratarakïniwa —sasa.

Mateo 18:20

Kawkhantix paninisa, kimsanisa sutixaru tantachasixa, nayax jupanak taypinktwa” sasa.

Mateo 28:18

Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Juan 20:23

Jumanakatix mayninakan juchanakap pampachapxätaxa, Diosax jumanakar pampachapxarakïtamwa; janitix pampachapkätaxa, Diosax janirakiw pampachapkätamti —sasa.

Hechos 16:18

Uka tawaqusti walja urunakaw ukham arnaqasis arknaqapxitu. Pablotakisti uka arnaqasitapax janiw walïkxänti, ukat wali q'apisitaw kutikipstasin uka ajayur säna: “¡Jesucriston sutiparuw sisma: Uka tawaqut mistum!” sasa. Uka ajayusti ukspachaw tawaqur jaytanukuwayxäna.

Hechos 3:6

Ukampis Pedrox jupar sänwa: —Janiw qurisa, qullqis utjkituti, ukampis kunatix utjkitu uk churäma: Nazaretankir Jesucriston sutiparuw sisma, sayt'asim, sartarakim —sasa.

Hechos 4:30

Yanapt'apxarakitaya, jach'a ch'amamampi usutanakar qullañataki, ukhamarak uñacht'äwinaksa, muspharkay luräwinaksa, qullan Jesús Yuqaman sutipar lurapxañaxataki” sasa.

2 Corintios 13:10

Aka qillqatsti jumanakar janïr tumpir jutkasaw apayanipxsma, kunapachatix purinkä ukkhax jan munañanïñax kankañampi qhuru tukuñaxataki, uksti Tatituw churitu, janiw jumanakar tukjañatakiti, jan ukasti ajayu tuqin jumanakar ch'amañchañatakiw churitu.

2 Corintios 13:3

Cristow naya tuqix parli, sapxsmawa. Ukan chiqätap yatiñatakisti jumanakax mä unañcha thaqhasipktaxa. Cristox janiw jumanakatakix t'ukha kankañanïkiti, jan ukasti jumanak taypin ch'aman kankañap uñacht'ayi.

2 Corintios 2:6

Kuna mutuyäwtix uka jaqir jumanakax churapkta ukampix phuqhatakiwa.

Efesios 5:20

Dios Awkirux taqi kunanakat Jesucristo Tatitusan sutipxar yuspagarapxapunim.

Colosenses 3:17

Kuntix lurapkäta, arsupkäta ukkhasti, Tatit Jesusan sutipar lurapxam, Jesucristo tuqi Dios Awkir yuspagarasa.

2 Tesalonicenses 3:6

Jilatanaka, Jesucristo Tatitusan sutipxaruw sapxsma, kawkïr jilatatix jan irnaqañ munki ukat jithiqtapxam, kuntix nanakax yatichapksma ukarjam jan sarnaqañ munirinakat jithiqtapxarakim.

Josué 22:15

Galaad chiqaru purisinsti, jupanakarux sapxänwa: