1 Corintios 2:4 - Qullan Arunaca

⁴ Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,

Aymar Bibliia 1986

⁴ Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,

Qullan Arunaka DC

⁴ ukatsti kunapachatix Diosan arunakap yatiyapksma ukkhaxa, janiw yatiñ arunakampi iyawsayañ munapkäyäsmati, jan ukasti, Ajayun uñacht'ayata, Diosan ch'amapampiw iyawsayapxsma,

1 Corintios 2:4 Jak'a apnaqawi uñst'ayäwi

Proverbios 20:19

Arunac apnaker jakejj jan arsuñäqui uca arunacjja arsuscaquiwa, uqhamajj arunac apnaker jakenacampejj jan mayachasimti.

Proverbios 7:21

“Uca warmisti waynarojj suma mojjsa arunacampiw iyawsayi.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Ezequiel 13:6

Unañchäwi uñjatanacapas, profecía arunaca arsupjjatanacapas c'aricamaquiwa. Jupanacajj nayan sutejjat parlapjje, ucampis janiw nayajj jupanacaru qhitancti. ¡Arsutanacapan phokhasiñanacapsti suyt'apjjaraquiwa!

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Hechos 26:28

Agripasti juparojj sänwa: —Mä juc'atjamatwa Tatitur niyapun iyawsayistajja —sasa.

Romanos 15:13

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

1 Corintios 1:17

Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

1 Corintios 2:1

Jilatanaca, cunapachatï jumanacaru khespiyasiñ arunaca parliri jutcta ucqhajja, janiw nayajj yatiñ cancañampi, jan amuyt'caya arunacampi parlapcäyäsmati.

1 Corintios 2:13

Take acanacjja nanacajj parlapjjtwa Diosan Ajayupan yatichata. Janiw parlapcti take cunsa nanacan yatekatanacajjampiqui. Uqhamwa Diosan ajayu tokenacatjja amuyt'ayapjjta qhitinacatejj Dios chuymäpqui take ucanacaru.

1 Corintios 4:20

Dios Tatitump jacañajja janiw lacaquïñaquïquiti, jan ucasti atipt'äwin jacañawa.

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Gálatas 1:10

Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.

Colosenses 2:4

Acsti jumanacarojj sapjjsmawa jan qhitis jumanacar suma arunacampi sallkjascañapataqui.

1 Tesalonicenses 1:5

Cunapachatejj nanacajj khespiyasiñ arunac parlapcäyäsma ucqhajja janiw nanacan arunacajjaquïcänti, jan ucasti Kollan Ajayun ch'amapampiw parlatäna, uqhamarac aca arunacajj chekätap yatisinaraqui. Jumanacajj yatipjjtawa cunjäms jumanac taypin sarnakapjjtjja, jumanacan asquinacamataqui ucjja.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

2 Pedro 1:16

Cuna yatichäwinactejj jumanacar Jesucristo Tatitusan ch'amapjjata, uqhamarac jutäwipjjat yatichapcsma ucanacajj janiw jakenacan alek säwi arunacäcänti, jan ucasti nanacaw nayranacajjamp Tatitun khapak cancañapjja uñjapjjta.

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.

Jueces 14:15

Ucat pusi urunsti Sansón chachan warmiparojj sapjjaraquïnwa: —Chachamaru jisct'am nanacaru uca yatjjatañäqui uca yatiyañamataqui. Jan ucasti nanacajj ninampiw phichhantapjjäma jumaru, uqhamarac awquiman familiaparu. ¡Jumanacasti nanacarojj cunanacajjatejj utjapquitu uca aparaña laycucjamaquiw jawsthapipjjestajja! —sasa.

Jueces 16:5

Filisteonacan jilïrinacapajja Dalilan ucaru sarasinjja sapjjänwa: —Sansón chacharojj c'arintam, ucatsti yatjjataraquim cawqhatsa uca ch'amapajj jutpacha uca. Uqhamata jiwasanacajj atipjasina, ñach'antasa munañasar apnakañasataqui. Uqhama yatjjatäta ucasti nanacajja sapa mayniw waranka pataca moneda kollke churapjjäma —sasa.