1 Corintios 2:4 - Qullan Arunaka DC

⁴ ukatsti kunapachatix Diosan arunakap yatiyapksma ukkhaxa, janiw yatiñ arunakampi iyawsayañ munapkäyäsmati, jan ukasti, Ajayun uñacht'ayata, Diosan ch'amapampiw iyawsayapxsma,

Aymar Bibliia 1986

⁴ Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,

Qullan Arunaca

⁴ Cunapachatï Diosan arunacapa jumanacar parliri jutta ucqhajja, janiw jakenacan yatiñ arunacapampi amuyt'ayañjja munapcäyäsmati, jan ucasti Kollan Ajayu tokwa amuyt'ayapjjsma, Diosan ch'amapampiraqui,

1 Corintios 2:4 Jak'a apnaqawi uñst'ayäwi

Proverbios 20:19

Arunak apnaqir jaqix janiw mä kuns imt'añ yatkiti, arunak apnaqir jaqinakampix jan chikachasimti.

Proverbios 7:21

Uka warmisti waynarux suma muxsa arunakampiw iyawsayi,

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Ezequiel 13:6

Unañchäwi uñjatanakapasa, profecía arunak arsupxatapas k'arikamakiwa. Jupanakax nayan sutixat parlapxi, ukampis janiw nayax jupanakarux khithankti. ¡Arsutanakapan phuqhasiñanakap suyapxarakiwa!

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Hechos 26:28

Agripasti juparux sänwa: —Niyapuniw Tatitur iyawsayista —sasa.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

1 Corintios 1:17

Cristox janiw bautisir khithankituti, jan ukasti Diosan suma yatiyäwi arunakap yatiyiriw khithanitu, janiw yatiñ kankañampi arsut arunakampïkiti, ukhamat Criston cruzan jiwatapax jan ina ch'usar tukuskañapataki.

1 Corintios 2:1

Jilatanaka, kunapachatix jumanakar qhispiyasiñ arunak parlir jutkta ukkhaxa, janiw nayax yatiñ kankañampi, jan amuyt'kay arunakampi parlapkäyäsmati.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

1 Corintios 4:20

Diosampi jakañax janiw lakakïñapäkiti, jan ukasti, luräwimpi uñacht'ayañarakiwa.

2 Corintios 6:6

Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

Gálatas 1:10

Janiw nayax jaqinakampi walikiw sayasiñ munkti, jan ukasti Diosan nayar walikiw sañap munta. Janiw jaqin munataparjam kusisiyañ munkti. Nayatix jaqinakampi sumat uñt'ayasiñ muniristxa, janiw Criston luqtiripäkxiristti.

Colosenses 2:4

Uksti jan khitis jumanakar suma arunakampi sallqjaskañapatakiw sapxsma.

1 Tesalonicenses 1:5

Kunapachatix nanakax Diosan suma yatiyäwi arunakap yatiyapksma ukkhasti, janiw aru tuqikïkänti, jan ukasti Diosan ch'amapa, Qullan Ajayun luräwip tuqiw taqi iyawsañampi uñacht'ayapxsma. Kunjämtix jumanak taypin askinakamatak nanakax sarnaqapkta uk sum yatipxtaxa.

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.

Jueces 14:15

ukat pusïr urun Sansonan warmiparux sapxäna: —Chachamar arsuyam, kuntix uka jiskt'apax sañ munki uka, jan ukasti jumampiru, awkiman wila masipampirux ninampiw phichhantapxäma. ¡Jumanakasti nanakarux yänakaxa apaqañ laykukjamakiw jawsapxistaxa! —sasa.

Jueces 16:5

Filisteonakan jilïrinakapasti Dalilan ukaruw sarapxäna, juparusti sapxänwa: —Sansonar sallqjasin arsuyam, kunatsa jupax ukataq chamanïpacha, kunjämatsa jupar atipjsna uk yatxatarakim; ukhamat jiwasax jupar ñach'antasin munañasar apnaqañasataki. Arsuyatamatsti sapa mayniw nanakax waranqa pataka qullqi churapxäma —sasa.