1 Corintios 2:15 - Qullan Arunaca

¹⁵ Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

Aymar Bibliia 1986

¹⁵ Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

Qullan Arunaka DC

¹⁵ Ukampis khititix Diosan Ajayupanïki ukax taqi kunsa chiqaparuw amuyi, janiw khitis jupar taripkaspati.

1 Corintios 2:15 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Proverbios 28:5

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Eclesiastés 8:5

Qhititejj mä arsuta phokhasqui ucarojja janiw cuna jan walis pascaniti, ucatsti qhititejj yatiñanïqui ucajja yatiwa cunapacha, cunjäma phokhañsa.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Hechos 16:3

Pablosti Timoteorojj wal irpañ munäna. Juparusti circuncidaraquïnwa, ucsanacan jaquir judionacar jan mayjt'ayañ laycu, takeniw yatipjjäna Timoteon awquipajj griego jakëtapa.

1 Corintios 14:37

Maynitejj amuyaschi ch'amanïtapa Diosan arunacapa parlañatakejja, jan ucajj amuyaschi Kollan Ajayojj chuymaparu parljjayatapjja, yatiñaparaquiwa cuntejj kellkanipcsma ucajj Diosan camachipätapa.

1 Corintios 3:1

Take ucanacatsti jilatanaca, janiw jumanacarojj Ajayun irpata jakenacarjama parlapcäyäsmati, jan ucasti aleka jakenacarjamaquiwa parlapjjäyäsma, Tatitu tokenjja wawanacäpcasmas uqhama.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Gálatas 6:1

Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Filipenses 1:10

uqhamat asquïquis ucpin ajllipjjañamataqui. Uqhamatwa jumanacan mä k'oma jacasiñajj utjani, cunapachatejj Cristojj jutcani ucqhajj jan cuna jan walis utjañapataqui.

Colosenses 1:9

Ucat nanacajj cunürutï ucanac yatipcta ucürutpachaw jumanacataquejj jan karjasisa orapjjta, Diosatjja mayipjjtwa jumanacajj jupan munañapa amuyt'apjjañamataqui, uqhamarac take casta yatiñanacsa ajay token amuyt'añanacsa jumanacar churaniñapataqui.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

Hebreos 5:14

Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.

1 Juan 2:20

Jumanacarojj Cristo Tatituw Kollan Ajayu churawayapjjtamjja, uqhamarac take cunwa yatipjjaractajja.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.