1 Corintios 2:15 - Qullan Arunaka DC

¹⁵ Ukampis khititix Diosan Ajayupanïki ukax taqi kunsa chiqaparuw amuyi, janiw khitis jupar taripkaspati.

Aymar Bibliia 1986

¹⁵ Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

Qullan Arunaca

¹⁵ Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

1 Corintios 2:15 Jak'a apnaqawi uñst'ayäwi

2 Samuel 14:17

Arunakamampi chuymachat jikxatasiñsa yatirakïyätwa, juma reyisti, Diosan angelapjamätawa, taqi kunsa chiqaparupuniw uñjtaxa. ¡Tatitu Diosay jumar aski waxt'äwipamp phuqt'pan! —sasa.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Proverbios 28:5

Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.

Eclesiastés 8:5

Arsutarjam phuqhirix janiw kuna jan walirus purkaniti, ukatsti khititix yatiñanïki ukax yatiw kunapacha, kunjäm phuqhañsa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Hechos 16:3

Ukat Pablox Timoteor jupamp chik irpañ munäna. Juparusti circuncisión katuqayäna, uksanakan jakir judionakar jan mayjt'ayañ layku, taqiniw yatipxäna Timoteon awkipan griego jaqïtapa.

1 Corintios 14:37

Maynitix profetjam amuyaschixa, jan ukax Ajayun amuyt'ayatas amuyaschixa, kuntix qillqanipksma ukax Tatitun kamachipätap amuyani.

1 Corintios 3:1

Jilatanaka, nayasti janiw jumanakar ajay tuqin ch'aman jaqinakarjam parlapksmati, jan ukasti, pisi ch'aman jaqinakarjamakiw parlapxsma, Cristonkir asu wawanakäpkasmas ukhama.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Gálatas 6:1

Jilatanaka, maynirutix kuna juchar tinkutap uñjapxstaxa, jumanakax Diosankirinakjamax jupan sayt'asiñapatak yanapt'apxam, llamp'u chuymampi parlxayapxam, taqi amuyumpiraki. Ukampis sapa mayni amuyaspan, jupas yant'ataw uñjasirakispa.

Filipenses 1:10

ukhamat kunatix askïki ukpun ajllipxañamataki. Ukapachakiw q'uma chuyman jakapxäta, Cristox jutkani ukkhasti, janiw khitis jumanakar juchañchapkätamti;

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

1 Tesalonicenses 5:21

Taqi kun yant'apxam, askïki uk katxäsipxam.

Hebreos 5:14

Ukampis waña manq'ax jach'a jaqinakatakiwa, khitinakatix amuyt'asiñ yatipki, kunatix walïki, jan walïki uk uñt'añatakis yatitäpki ukanakatakiwa.

1 Juan 2:20

Cristo Tatitux Qullan Ajayu churasaw jumanakarux yaqhachapxtam, uksti taqi jumanakaw yatipxta.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.