1 Corintios 14:2 - Qullan Arunaca

² Jan uñt'at arunacat parlir jakejja Diosaruw parli, janiw jake masiparu parlquiti, janiraquiw qhitis parlatapjja amuyquiti. Cuntejj parlqui ucjja ajayu toket parli ucampis ucajj jaketaquejj jan amuyt'cayawa.

Aymar Bibliia 1986

² Jan uñt'at arunacat parlir jakejja Diosaruw parli, janiw jake masiparu parlquiti, janiraquiw qhitis parlatapjja amuyquiti. Cuntejj parlqui ucjja ajayu toket parli ucampis ucajj jaketaquejj jan amuyt'cayawa.

Qullan Arunaka DC

² Khititix jan uñt'at arunakat parlki ukax Diosaruw parlxayi, janiw jaqinakar parlxaykiti, janiw khitis arsutap amuyt'kiti. Ajayupasti imantat arunakat arsu, ukampis janiw khitis arsutap amuyt'kiti.

1 Corintios 14:2 Jak'a apnaqawi uñst'ayäwi

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Génesis 42:23

Jupanacasti janiw Josean take parlatanacapjja amuyapcänti, Joseasti mä aru jakoquipir jake tokeraquiw jupanacarojj parlatayna.

2 Reyes 18:26

Ucjjarusti Asirianquiri oficialarojj arsupjjänwa Eliaquim, Sebna, uqhamarac Joa chachanacajja, aqham sasa: —Achict'asipjjsmawa, arameo aruta parlapjjeta, nanacasti yatipjjtwa. Jan jumajj hebreo aruta parlapjjestati, perka patancapqui uca jakenacajj isch'uquipjjatap laycu —sasa.

Salmos 78:2

säwinac tokew arsü, nayra pachatpach imantatanac parlä.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Marcos 16:17

Aca chimpunacaraquiw iyawsirinac taypinjj utjani: Sutejjanwa ñankha ajayunacjja alissupjjani; machak parlanac parlapjjaraquini;

Marcos 4:11

Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,

Hechos 10:46

Jupanacarusti yakha arunacat parlirwa ist'apjjäna, uqhamarac Diosar yupaychirsa.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 22:9

Nayamp chica saririnacasti uca khanjja uñjapjjaraquiwa. Ucatsti sustjasipjjaraquïnwa. Ucampis janiw ist'apcänti qhititejj parlquitän ucan arupjja.

Romanos 16:25

Jichhasti Diosaru yupaychapjjañäni. Jupaquiwa jumanacarojj wali ch'amani tucuyaspajja, cunjämtejj nayajj jumanacaru yatichapcsmas khespiyasiñ toketjja, Cristo laycu utjatapäquis ucan sarnakañanjja. Take acanacasti Diosan khanstayatawa, ucampis janïra aca orakejj lurasquipanwa imantatänjja.

1 Corintios 12:10

Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

1 Corintios 12:28

Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.

1 Corintios 13:1

Nayatejj jakenacana angelanacana parlanacap parlirista, ucat janirac munasiñanïquiristjja, mä latar uñtataquiw tojjokerista, mä platillor uñtataquiraquiw chhollokeristjja.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

1 Corintios 14:16

Jumatejj ajayunaqui Diosarojj yupaychätajja, mä alek ist'iric jutirejj janiw juma chica oración lurcaraquispati cuna parlatamsa jan amuyatap laycu.

1 Corintios 14:26

Uqhamajj jilatanaca, jichhajj acaw utji: Cunapachatï tantacht'asipjjäta ucqhajja, jumanacatjja mayninacajj k'ochusiñwa munapjje, yakhepanacajj yaticht'aña, yakhepanacanjja utjaraquiw Diosan mä cuna yatiyäwipasa, jan ucajj jan uñt'at arunacat parlañasa, jan ucajj uca jan uñt'at arunacat parlatäquis uc khanañchañasa. Ucampis take cunas ajayu token iglesianquirinacar jiltayañataquïpan.

1 Corintios 15:51

Mä imantatäqui ucwa yatiyañ munapjjsma: Janiw takeni jiwcañäniti, ucampis takeniw yakha cuerponi tucuñäni.

1 Corintios 2:10

Take acanacsti Diosajj Kollan Ajayu tokwa uñacht'ayistu. Uca Ajayusti take cunracwa yati, Diosan jan amuyt'cay amtatanacapsa yatiraquiwa.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;

Colosenses 2:2

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

1 Timoteo 3:9

Iyawsäwi toket khanañchatäquis ucjja sum catjjäsiñaparaquiwa, k'oma chuymanïñaparaquiwa.

Apocalipsis 10:7

Cunapachatï pakallköri angelajj trompetap phust'ani ucqhajja, Diosan imantata amtatanacapajj phokhasjjaniwa, cunjämtï jupajj profetanacap toke yatiyquistän uqhamaru” sasa.