1 Corintios 12:10 - Qullan Arunaca

¹⁰ Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

Aymar Bibliia 1986

¹⁰ Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

Qullan Arunaka DC

¹⁰ Yaqhipanakax muspharkañanak lurañatakiw ch'am katuqapxi, yaqhipanakasti profecía arunak yatiyañatakiw mä churäwi katuqapxi. Yaqhiparux Diosax aski ajayunaka, ñanqha ajayunak uñt'añ ch'ama churi, yaqhipanakarusti yaqha arunakat arsuñ ch'ama churaraki; ukhamarus yaqhipanakarux uka yaqha arunakat arsutanak qhanañchañ ch'ama churi.

1 Corintios 12:10 Jak'a apnaqawi uñst'ayäwi

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Marcos 16:17

Aca chimpunacaraquiw iyawsirinac taypinjj utjani: Sutejjanwa ñankha ajayunacjja alissupjjani; machak parlanac parlapjjaraquini;

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Lucas 24:49

Yatipjjaraquim nayajj qhitanïwa cuntejj Awquejjajj ‘Churämaw’ sisquitu uca; jumanacasti aca Jerusalén marcan kheparapjjam, alajjpachat ch'amajj jutcani uc catokañcama —sasa.

Juan 14:12

Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Juan 16:13

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 11:27

Ucürunacansti mä kawkha profetanacaw Jerusalenat Antioquiar jutapjjäna.

Hechos 11:28

Uca profetanacat maynïriw utjäna Agabo sutini. Jupasti jilatanac taypin sayt'asisinwa Kollan Ajayu toke jupanacar yatiyäna: “Mä jach'a mach'aw take oraker jutani” sasa. Ucasti Claudio sat jach'a jilïrin urunacapanwa phokhasïna.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 5:3

Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Romanos 12:6

Diosajj sapa mayniruw yakha casta yatiña churistu, cunjämarutejj jupajj munqui uqhamarjama, uca yatiñanacsti sum apnakañasawa. Diosatejj jupan arupat parlañataqui yatiña churchistojja, cunjämatejj iyawsañasajj utjquistu uqhamarjamawa lurañasajja.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

1 Corintios 11:4

Mä chachatejj culton oración lurchi jan ucajj Diosan arunacapsa parlchi p'ekepa ch'okt'asisa ucajja, Cristotaquejj uca ch'okasiñajja p'enkawa.

1 Corintios 13:8

Munasiñajj janipuniw tucusquiti. Mä urojj janiw Diosan arunacapajj parlascjjaniti, janiraquiw jan uñt'at arunacatsa parlascjjaniti, ni take cun yatiñas munascjjaraquiniti.

1 Corintios 14:13

Uqhamajj mä jaketejj jan uñt'at arunacat parlchejja, Diosatjja ch'am maypan cuntejj parlqui uca khanañchañataqui.

1 Corintios 14:39

Uqhamapï jilatanaca, jumanacajj Diosan arunacapa parlañarupun uscusipjjam. Maynitejj jan uñt'at arunaca parlañ munchejja, janiraqui jarc'apjjamti.

Gálatas 3:5

Cunapachatejj Diosajj Ajayup churapjjtam, ucatsti jumanac taypin milagronacraqui luri ucjja, ¿cunats uqham luri? Janiw ucjja lurquiti leyirjama phokhatanacam laycu, jan ucasti ist'apcta uca arunaca iyawsatanacam laycuwa ucjja luri.

1 Tesalonicenses 5:20

Jan jisc'achapjjamti Diosan amuyt'ayata arunacaparojja.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Apocalipsis 2:2

Nayajj take luratanacamjja yattwa. Ch'ama tucutamsa, llamp'u chuymanïtamsa yatiractwa. Ñankha jakenacaru jan catokatamsa yatiractwa. Qhitinacatejj —Nanacajj Tatitun apostolonacapäpjjtwa —siri jakenacarus jumajj yant'tawa, ucampis uca jakenacajj janiw Tatituncapquiti; jumasti uqham yant'asajj catjaractawa c'arisipjjatanacapjja.