1 Corintios 12:10 - Qullan Arunaka DC

¹⁰ Yaqhipanakax muspharkañanak lurañatakiw ch'am katuqapxi, yaqhipanakasti profecía arunak yatiyañatakiw mä churäwi katuqapxi. Yaqhiparux Diosax aski ajayunaka, ñanqha ajayunak uñt'añ ch'ama churi, yaqhipanakarusti yaqha arunakat arsuñ ch'ama churaraki; ukhamarus yaqhipanakarux uka yaqha arunakat arsutanak qhanañchañ ch'ama churi.

Aymar Bibliia 1986

¹⁰ Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

Qullan Arunaca

¹⁰ Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

1 Corintios 12:10 Jak'a apnaqawi uñst'ayäwi

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Marcos 16:17

Aka chimpunakaw iyawsirinak taypin utjani: Sutixan ñanqha ajayunak alissupxani; machaq arunak parlapxarakini;

Marcos 16:20

Ukatsti yatiqirinakapax qhispiyasiñ arunak taqi tuqin yatiyapxäna; pachpa Tatituw jupanakarux yanapaskäna, kunayman muspharkañanak lurayasa, ukhamat arunakapan chiqätap uñacht'ayäna.

Lucas 24:49

Nayasti kuntix Awkixax arskitu uk khithanï. Jumanakasti Jerusalén markan qhiparapxam, alaxpachat jutir ch'ama katuqañkama —sasa.

Juan 14:12

Qhanak sapxsma, khititix nayar iyawskitu ukax, kuntix nayax lurkta ukanak lurarakini; ukat juk'amp jach'a luräwinakamp lurani, Awkixax kawkinkkitix ukar saratax layku.

Juan 16:13

Kunapachatix Qullan Ajayux jutkan ukkhasti, jupaw taqi kunatix chiqäki uk yatichapxätam; janiw jupa pachpat parlkaniti, jan ukasti kuntix ist'ki uk sani, ukatsti kunanakatix qhipa urunakan luraskani uk yatiyarakini.

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 11:27

Ukürunakansti mä qawqha profetanakaw Jerusalenat Antioquía markar puripxäna.

Hechos 11:28

Uka profetanakat maynïriw utjäna Agabo sutini. Jupasti jilatanak taypin sayt'asisin Qullan Ajayu tuqi jupanakar yatiyäna: “Mä jach'a mach'aw taqpach uraqin utjani” sasa. Ukasti Claudio sat jach'a jilïrix marka apnaqkän ukapachaw phuqhasïna.

Hechos 19:6

Pablox amparapamp jupanakar luqxatki ukapachaw Qullan Ajayux jupanakxar jutarakïna, ukatsti jupanakax jan uñt'at arunakat arsupxäna, Diosat katuqat arunak yatiyapxarakïna.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Romanos 12:6

Diosax kunayman waxt'äwinak churistu, kunjämtix sapa maynir churañ munki ukarjama. Ukhamasti, Diosatix jutir urut arsuñ waxt'äwi churchistu ukaxa, iyawsañasax utjkistu ukarjam arsuñäni;

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

1 Corintios 11:4

Mä chachatix p'iqip ch'uqt'asis Diosat mayischixa, jan ukax yatiyäwi arunaksa arschixa, Cristoruw p'inqachayi.

1 Corintios 13:8

Munasiñax janipuniw tukuskaniti. Mä urux profecía arunak yatiyañax tukusiniwa, janiw yaqha arunakat parlaskxaniti, janirakiw yatiñ kankañas munaskxaniti.

1 Corintios 14:13

Ukhamasti jan uñt'at arunak parlirixa, uka arunak qhanañchañatakix Diosat ch'am maypan.

1 Corintios 14:39

Ukhamasti munat jilatanaka, jumanakax profecía arunak yatiyañar ch'amachasipxam, janirak jan uñt'at arunak arsuñsa jark'apxamti;

Gálatas 3:5

Diosax Ajayup jumanakar churapktam ukapacha, jumanak taypin muspharkay luräwinak lurki ukapachasa, ¿kunatsa ukham luri? Janiw kamachirjam phuqhatanakam laykuti, jan ukasti, ist'apkta uka suma yatiyäwi arunakar iyawsatanakam laykuw luri.

1 Tesalonicenses 5:20

Jutir urunakat arsuñanaksti jan jisk'achapxamti.

Hebreos 2:4

Ukhamarus Diosax unañchanakampi, muspharkañ luräwinakampiw uñacht'ayistu, ukatsti Qullan Ajay tuqiw kunayman lurañanak munañaparjam churistu.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.

Apocalipsis 2:2

Nayax taqi luratanakam yatta; ch'ama tukutamsa, llamp'u chuymanïtamsa yattwa. Ñanqha lurir jaqinakar jan uñkatañ munatamsa yatiraktwa. Jan apostolükasin ‘Tatitun apostolupäpxtwa’ siri jaqinakar yant'atam yatiraktwa, ukham yant'asin uka jaqinakan k'arisipxatanakap katjaraktawa.