1 Corintios 1:17 - Qullan Arunaca

¹⁷ Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

Aymar Bibliia 1986

¹⁷ Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

Qullan Arunaka DC

¹⁷ Cristox janiw bautisir khithankituti, jan ukasti Diosan suma yatiyäwi arunakap yatiyiriw khithanitu, janiw yatiñ kankañampi arsut arunakampïkiti, ukhamat Criston cruzan jiwatapax jan ina ch'usar tukuskañapataki.

1 Corintios 1:17 Jak'a apnaqawi uñst'ayäwi

Juan 4:1

Fariseonacajj yatipjjänwa Jesusajj walja arquirinïtapa, uqhamarac Bautisir Juanat sipansa juc'amp bautisatapa,

Juan 4:2

chekpachansa Jesusajj janiw bautiscänti, jan ucasti discipulonacapaw bautisäna.

Hechos 10:48

Pedrosti —Jesusan sutipar bautisasipjjam —sasaw jupanacarojj säna. Pedrorusti mä kawkha urunac jupanacamp chic kamarañapataquiw achict'apjjäna.

1 Corintios 2:1

Jilatanaca, cunapachatï jumanacaru khespiyasiñ arunaca parliri jutcta ucqhajja, janiw nayajj yatiñ cancañampi, jan amuyt'caya arunacampi parlapcäyäsmati.

1 Corintios 2:13

Take acanacjja nanacajj parlapjjtwa Diosan Ajayupan yatichata. Janiw parlapcti take cunsa nanacan yatekatanacajjampiqui. Uqhamwa Diosan ajayu tokenacatjja amuyt'ayapjjta qhitinacatejj Dios chuymäpqui take ucanacaru.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 10:10

Nayarusti sapjjaraquituwa: “Cartanacajj wali khoru arunacaniwa ucampis jupampi parlañajj jan yäkañjamaquiraquiwa” sasa.

2 Corintios 11:6

Parlatajjajj inas jan sumäcchiti ucampis yatitanacajjajj janiw uqhamäquiti. Acsti jumanacarojj uñacht'ayapjjsmawa, take cuntejj lurapcta ucanacana.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Pedro 1:16

Cuna yatichäwinactejj jumanacar Jesucristo Tatitusan ch'amapjjata, uqhamarac jutäwipjjat yatichapcsma ucanacajj janiw jakenacan alek säwi arunacäcänti, jan ucasti nanacaw nayranacajjamp Tatitun khapak cancañapjja uñjapjjta.