1 Corintios 1:17 - Qullan Arunaka DC

¹⁷ Cristox janiw bautisir khithankituti, jan ukasti Diosan suma yatiyäwi arunakap yatiyiriw khithanitu, janiw yatiñ kankañampi arsut arunakampïkiti, ukhamat Criston cruzan jiwatapax jan ina ch'usar tukuskañapataki.

Aymar Bibliia 1986

¹⁷ Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

Qullan Arunaca

¹⁷ Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

1 Corintios 1:17 Jak'a apnaqawi uñst'ayäwi

Juan 4:1

Fariseonakax Jesusan walja arkirinïtapa, Bautisir Juanat sipan juk'amp bautisatap yatipxäna,

Juan 4:2

chiqpachansa Jesusax janiw bautiskänti, jan ukasti yatiqirinakapaw bautisäna.

Hechos 10:48

Uk sasinsti, Pedrox Jesusan sutipar bautismo katuqapxañapatakiw säna. Ukatsti mä qawqha urunak jupanakamp chik qamart'añapatakiw Pedror achikt'apxäna.

1 Corintios 2:1

Jilatanaka, kunapachatix jumanakar qhispiyasiñ arunak parlir jutkta ukkhaxa, janiw nayax yatiñ kankañampi, jan amuyt'kay arunakampi parlapkäyäsmati.

1 Corintios 2:13

Taqi akanakatsti Diosan Ajayupax yatichapkitu uka arunakampiw parlapxta, janiw yatiñanakarjam yatiqapkta uka arunakarjam parlapkti. Ukhamat Dios chuyma jaqinakar ajay yatichäwinakat qhanañchasa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 10:10

Yaqhipax nayan qillqatanakaxax wali ch'aman qhuru arumpi qillqataw sapxiwa, ukampis jupampi parlañax arsutapas jan yäqañjamakiwa, sasa.

2 Corintios 11:6

Parlataxax jan sumäkchi ukasa, yatiñanak tuqin janiw ukhamäkti; aksti jumanakarux taqi luräwinakaxan uñacht'ayapxsma.

2 Corintios 4:2

Janiw kunatsa p'inqasipkti, janirakiw kunsa jamasanakan lurapkti; janiw jan wali amtañanakampi sarnaqapkti, janirakiw Diosan arunakapsa maysar q'iwipkti. Jan ukasti, kunatix chiqäki ukak arsupxta, ukhamat taqinimpis Diosan nayraqatapan askit uñt'ayasipxta.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.