Éxodo 23:6 - Aymar Bibliia 1986

⁶ “Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Qullan Arunaca

⁶ “Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Qullan Arunaka DC

⁶ “Jan utjirin jaqin ch'axwapan chiqapat arsusitap janiw maysar q'iwïtati.

Éxodo 23:6 Jak'a apnaqawi uñst'ayäwi

2 Crónicas 19:7

Uqhamasti Tatiturojj ajjsarapjjam, uqhamarac suma amuyasipjjaraquim cuntï lurapcäta ucanacanjja, jiwasan Tatit Diosasasti janiw alekaqui uñjcaniti jan chekapar luratjja, mä kawkhaniruqui uñjatarusa, ni kollke chilltañanacsa” sasa.

Job 31:13

“Cunapachatejj uywatanacajjajj cunsa mayipjjetän ucapachajja, jupanacarojj ist'apunïyätwa.

Proverbios 18:5

Janiw asquïquiti taripirinacan juchan jaket arjjatañapajja; janiraquiw asquïquiti jan juchan jaken sarnakasiñaparus janiw sañajja.

Proverbios 22:22

Pobretjja jan aparamti pobrëtap laycu, janirac juezanacan nayrakatapansa t'akhesiyamti,

Proverbios 31:5

uqham machasin ewjja arunacjja armasipjjaspa, ucatsti llaquitanacaru chekapar uñjañäqui ucsti janiw chekapar uñjcjjapjjaspati.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Jeremías 5:28

wali pokontatäpjjewa, suma mankt'ataraqui. Ñankha luratanacapasti janiw korpanïquiti. Janiw wajcharojj chekaparu uñjapquiti, pobrenacarus janiraquiw chekaparu uñjapquiti.

Jeremías 6:28

Tata, take jupanacajj wali khorunacäpjjewa; jakjjata parlasiri ñankha jakenacäpjjewa; hierrot sipansa, broncet sipansa sinti ch'ullkhëpjjewa.

Jeremías 7:6

janiraqui yakha marcat jutirinacarus sinti irnakayapjjätati, ni wajchanacarusa, ni ijmanacarusa, ni jan juchani jakenacarusa aca chekanjja jiwayapjjätati, ni yakha diosanacarusa yupaychapjjaraquïtati, ucanacampisti jumanacpachaquiw aynacht'apjjasmajja.

Levítico 19:15

“Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Deuteronomio 16:19

Cheka cancañsti jan jumanacajj maysaru uñtayapjjamti, janiraqui jumanacajj maynit arjjatasisa, maynirusti uñisisaraqui jakenacarojj uñjapjjamti ni kollksa chilltayasipjjamti, kollke chilltayasiñajj jach'a amuyt'an jakenacarojj juyqhu tucuyi, ucatsti cheka cancañampi parlir jakenacan arunacapsa maysaruw uñtayi.

Deuteronomio 27:19

‘Maldicitäpan cawquïritejj mä yakha marcat jutir jakeru, mä ijmarusa, uqhamaraqui mä wajcharus jan cheka cancañampi uñjirejja.’ Ucatsti takpach marcaw saraquini: ‘Uqhamäpan’ sasa.

1 Samuel 8:3

Ucampisa yokanacapajj janiw awquipjama sarnakapcänti, jan ucasti take cun muniriw tucjjapjjäna, kollke chilltayasipjjaraquirïna, janiraquiw take cunsa chekaparu uñjapcänti.