Éxodo 23:6 - Qullan Arunaka DC

⁶ “Jan utjirin jaqin ch'axwapan chiqapat arsusitap janiw maysar q'iwïtati.

Aymar Bibliia 1986

⁶ “Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Qullan Arunaca

⁶ “Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Éxodo 23:6 Jak'a apnaqawi uñst'ayäwi

2 Crónicas 19:7

Ukhamasti Tatiturux axsarapxam, luratanakam wal amuyasipxarakim, Tatit Diosasax janiw aliqak uñkatkiti jan chiqapar uñjirinakaru, maynitak arxatasirinakaru, qullqi chilltayasirinakarusa” sasa.

Job 31:13

Uywatanakaxatix kunsa mayipkitän ukapachaxa, nayax mayitanakapar ist'apunïyätwa.

Proverbios 18:5

Taripirinakan juchan jaqit arxatañapax janiw askïkiti; jan juchan jaqin arsusitanakapar janiw sañas janirakiw askïkiti.

Proverbios 22:22

Jan kunan jaqitxa jan kuns aparamti jan kunanïtap layku, janirak taripirinak nayraqatansa jupar t'aqhisiyamti,

Proverbios 31:5

machantasisinsti, kamachi arunak armasipxaspa, jan kunan jaqinakar chiqapar uñjañat armasipxaspa.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Isaías 5:23

Jumanakasti juchan jaqirux qullqi laykux jan juchan mistuyapxtaxa, jan juchanïki ukanakarusti juchañchapxaraktawa.

Jeremías 5:28

wali lik'intatäpxiwa, jach'a jach'aw tukupxaraki. Ñanqha luratanakapasti waljapuniwa. Janiw wajcharux chiqapar uñjapkiti, janirakiw t'aqhin jakir jaqinakarus chiqapar uñjapkiti.

Jeremías 6:28

Tatay, taqi jupanakax kutkatasirïpxiwa; qhuru k'ari jaqinakäpxiwa. Amuyatax aski jaqinakjamäpxiwa, ukampis lunthatkamakïpxiwa.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Levítico 19:15

“Kunapachatix mä jan walt'añ taripañas wakisini ukkhasti, kunatix chiqäki ukhamarjamapun luram; janirak pisi ch'amanirukisa, jan ukax qamirirukisa arxatamti. Juchañchañ wakisipanxa, kunatix chiqapäki ukhamarupun uñjam.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

Deuteronomio 27:19

“ ‘Ñanqhachatäpan yaqha markat jutir jaqiru, mä ijmaru, mä wajcharus jan chiqa kankañampi uñjir jaqixa.’ Uka arsutarusti taqpach markaw sani: ‘Ukhamäpan’ sasa.

1 Samuel 8:3

Ukampis Samuelun yuqanakapax janiw awkipjam sarnaqapkänti, jan ukasti taqi kun muniriw tukxapxäna, qullqimpiw chilltayasipxäna, janirakiw kuns chiqapar uñjapkänti.