Éxodo 20:6 - Aymar Bibliia 1986

⁶ Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.

Qullan Arunaca

⁶ Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.

Qullan Arunaka DC

⁶ ukampis nayar munirinakaru, kamachi arunakaxar phuqhirinakarux wawanakapan wawanakaparuw khuyapt'ayta.

Éxodo 20:6 Jak'a apnaqawi uñst'ayäwi

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: “Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Números 14:18

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Juan 14:15

“Jumanacatejj munapjjchistajja, camachinacajj phokhapjjam.

Juan 14:21

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Deuteronomio 4:37

Juparaquiwa nayra awquinacamarojj munäna, ucatsti wawanacaparuw ajlliraquïna, Egipto marcat jach'a ch'amapampi khespiyanisa.

Deuteronomio 5:29

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

1 Juan 4:19

Diosaw nayrakat jiwasanacar munistu, ucatwa jiwasajj juparojj munaractanjja.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

2 Juan 1:6

Munasiñajj Diosan camachinacaparjama jacañawa. Acawa uca camachejja: Munasiñan sarnakapjjam cunjämtï kalltäwitpach ist'apjjta uqhamarjama.