1 Juan 4:1 - Aymar Bibliia 1986

¹ Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Qullan Arunaca

¹ Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Qullan Arunaka DC

¹ Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.

1 Juan 4:1 Jak'a apnaqawi uñst'ayäwi

1 Reyes 13:18

Ucampis awqui profetajj sascaquïnwa: —Nayajj jumjama profetaraquïtwa, ucatsti Tatit toketa mä angelawa parlitu nayajja utajjaru irpasina mank'a, uma churañajjataqui —sasa. Uca awqui profetajj c'ariscchïna ucasa,

Proverbios 14:15

Jan amuyt'asiri jakejj take cuntejj sapqui ucarojja iyawsaquiwa, ucampis ch'iqhi jakejja amuyt'asiwa cawquinjamas sarasqui uca.

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 23:16

Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Marcos 13:21

Maynitejj jumanacar sapjjätam: “Uñtapjjam, acajj Cristojja” jan ucajj “Uñtapjjam, qhayanquiw jupajja” sapjjaraquïtamjja, jan iyawsapjjamti.

Lucas 12:57

“¿Cunatsa jan jumanacpachata uñjasipjjta cunatejj chekäqui ucatjja?

Lucas 21:8

Jesusasti sänwa: —Amuyasipjjam, jan sallkjayasipjjamti. Waljaniw sutejjana jutapjjani: “Nayätwa Cristojja” uqhamarac “Jichhaw tiempojj” sasa. Ucampis jan ucanacarojj arcapjjamti.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Hechos 20:29

Nayasti yattwa, naya sarjjä uca khepatjja, yakhanacaw jutapjjani iglesia t'unjañ munasa, cunjämtejj kamakenacajj ovejanacar tucjañataqui jutapquejja uqhama.

1 Corintios 12:10

Yakhepanacajj milagro lurañataquiraquiw ch'am catokapjje, yakhepanacasti Diosan arunacap parlt'añataquiraquiw ch'am catokapjje. Maynejj asqui ajayunaca, ñankha ajayunaca uñt'añ churäwi catoke. Yakhepanacasti jan uñt'at lajjranac parlañ churäwi catokapjje, yakhepanacasti uca jan uñt'at lajjranac parlatäquis uca arunac khanañchañataquiraquiw ch'am catokapjje.

1 Corintios 14:29

Uqhamaraqui, cunapachatejj Diosat catokata arunaca parlapjjäta ucqhajja, panis quimsanis parlpan, ucatsti mayninacajj amuyt'apjjaracpan walti parli janicha ucjja.

1 Tesalonicenses 5:20

Jan jisc'achapjjamti Diosan amuyt'ayata arunacaparojja.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

2 Tesalonicenses 2:2

jan janc'aqui amuyunacamjja mayjt'ayapjjañamataqui. Janiraqui cuna casta ajayun arunacampis sustjayasipjjamti, ni cuna casta arunac ist'asinsa, ni cuna carta catokasinsa “Tatitun urupajj purinjjewa” sas kellkata ucatsa.

1 Timoteo 4:1

Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

2 Pedro 2:1

Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.

1 Juan 2:7

Jilatanaca, janiw jumanacaru machak camachi kellkanipcsmati, jan ucasti cawquïr camachinacatejj kalltäwitpacha utjapcäyätamjja uca pachpawa. Aca nayra camachejj cuntejj ist'apcäyätajja kalltäwitpacha uca pachpa arunacaraquiwa.

2 Juan 1:7

Aca orakenjja walja sallkjirinacawa sarnake. Jupanacajj janiw Tatit Jesucriston mä jakeru tucusa jutatapjja iyawsapquiti. Qhititejj uca yatichäwinïqui ucajj sallkjiriwa, Tatit Jesucriston uñisiriparaquiwa.

3 Juan 1:11

Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.

Apocalipsis 2:2

Nayajj take luratanacamjja yattwa. Ch'ama tucutamsa, llamp'u chuymanïtamsa yatiractwa. Ñankha jakenacaru jan catokatamsa yatiractwa. Qhitinacatejj —Nanacajj Tatitun apostolonacapäpjjtwa —siri jakenacarus jumajj yant'tawa, ucampis uca jakenacajj janiw Tatituncapquiti; jumasti uqham yant'asajj catjaractawa c'arisipjjatanacapjja.