1 Juan 3:24 - Aymar Bibliia 1986

²⁴ Qhitinacatejj camachinacapar iyawsapqui ucanacajj Tatitumpiw jacapjje, Tatitusti jupanacampiraqui. Yatipjjtanwa jupajj jiwasanwa jaqui cawquïr Ajaytejj churquistu uca toke.

Qullan Arunaca

²⁴ Qhitinacatejj camachinacapar iyawsapqui ucanacajj Tatitumpiw jacapjje, Tatitusti jupanacampiraqui. Yatipjjtanwa jupajj jiwasanwa jaqui cawquïr Ajaytejj churquistu uca toke.

Qullan Arunaka DC

²⁴ Khitinakatix kamachiparjam phuqhapki ukanakax Tatitumpiw jakapxi, Tatitusti jupanakampiw jakaraki. Qullan Ajayup churkistu uka tuqiw jiwasampi jakatap yattan.

1 Juan 3:24 Jak'a apnaqawi uñst'ayäwi

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 17:21

Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

1 Corintios 3:16

¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa?

1 Corintios 6:19

¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

2 Timoteo 1:14

Jiwasanacan jacqui uca Kollan Ajayun yanapapampejj, imam cuntejj Diosajj catuyctam ucjja.

1 Juan 2:24

Ucatpï, chuymanacamaru imapjjañamajja cawquïr arunactejj kalltatpach ist'apcta ucanacjja. Cuntejj kalltäwitpach ist'apcta uc chuymanacamar imapjjaracstajja, uqhamaraquiw jumanacajj Yokampi mayancapjjtajja Awquimpi.

1 Juan 2:3

Jiwasatejj Diosan camachinacaparu ist'asctanjja, uqhamanwa Diosar uñt'atasjja yattan.

1 Juan 2:5

Ucampis cawquïritejj Diosan camachinacaparjam lurqui ucajja, chekpachansa Diosarojj muniwa; uqhamatwa yattanjja Tatitumpi mayaquïtasjja.

1 Juan 2:6

Qhititejj: “Diosampiw jacascta” sasqui ucajja, cunjämatejj Jesucristojj jaccäna uca quicparaquiw jacañapa.

1 Juan 3:22

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.

1 Juan 4:7

Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.