AmaHubo 7:6 - IBHAYIBHELI ELINGCWELE

Sukuma, Jehova, ngentukuthelo yakho, uvuke ngenxa yolaka lwezitha zami, ungimele; ngokuba uyalezile ukwahlulela.

IsiZulu 2020

Phakama, Simakade, ngentukuthelo yakho. Vuka ngenxa yolaka lwezitha zami, zivuse ngokuba uyalezile ukwehlulela ngenxa yami!

Contemporary Zulu Bible 2024

Vuka, Jehova, ngentukuthelo yakho, uziphakamise ngenxa yentukuthelo yezitha zami, uvuke ngenxa yami ngenxa yokwahlulela okuyale ngakho.

AmaHubo 7:6 Jak'a apnaqawi uñst'ayäwi

2 Samuweli 17:14

U-Abisalomu nabantu bonke bakwa-Israyeli bathi: “Isiluleko sikaHushayi umArki singcono kunesiluleko sika-Ahithofeli.” Ngokuba uJehova wayenqumile ukuba kushafiswe isiluleko esihle sika-Ahithofeli, ukuze uJehova amehlisele u-Abisalomu okubi.

AmaHubo 103:6

UJehova ubenzela bonke abacindezelwayo ukulunga nokwahlulela.

AmaHubo 12:5

“Ngenxa yokubandezeka kwabahluphekileyo nangokububula kwabampofu ngizakuvuka kalokhu,” usho uJehova, “ngimbeke ekusindisweni akulangazelelayo.”

AmaHubo 138:7

Noma ngihamba phakathi kwenhlupheko, uyakungiphilisa; uyakwelulela isandla sakho olakeni lwezitha zami, esokunene sakho singisindise.

AmaHubo 143:3

Ngokuba isitha siyazingela umphefumulo wami, sicindezela phansi emhlabathini ukuphila kwami; singihlalisile ebumnyameni njengabakade bafa.

AmaHubo 3:7

Vuka, Jehova, ungisindise, Nkulunkulu wami, ngokuba zonke izitha zami uzishayile emhlathini, amazinyo ababi uwaphulile.

AmaHubo 35:1

Phikisana, Jehova, nabaphikisana nami, ulwe nabo abalwa nami.

AmaHubo 35:23

Vuka, usukumele ukwahlulelwa kwami, Nkulunkulu wami, Nkosi yami, umele icala lami.

AmaHubo 44:23

Vuka, Nkosi! Ulaleleni na? Vuka, ungasilahli njalonjalo.

AmaHubo 44:26

Sukuma, usisize, usihlenge ngenxa yomusa wakho.

AmaHubo 59:5

Wena kambe, Jehova Nkulunkulu Sebawoti, Nkulunkulu ka-Israyeli, vuka uphindisele bonke abezizwe, ungahawukeli namunye kwabahlubukileyo. Sela*

AmaHubo 73:20

Njengephupho ekuphaphameni, Nkosi, uyakudelela umfanekiso wabo ekuvukeni kwakho.

AmaHubo 74:3

Lulamisela izinyawo zakho emidilikweni yaphakade; isitha sone konke endlini engcwele.

AmaHubo 78:65

Yayisivuka iNkosi njengokade elele, njengesiqhwaga esikade sahlulwa yiwayini,

U-Isaya 3:13

UJehova usesukumile ukuyokulwa, umi ukuthetha amacala ezizwe.

U-Isaya 33:10

“Sengiyakuvuka,” usho uJehova; “sengiyakuphakama; sengiyakuphakanyiswa.

U-Isaya 37:20

Manje, Jehova Nkulunkulu wethu, sisindise esandleni sakhe ukuba yonke imibuso yomhlaba yazi ukuthi wena unguJehova, wena wedwa.”

U-Isaya 51:9

Vuka, vuka, wembathe amandla wena mkhono kaJehova, vuka njengasezinsukwini zasendulo, ezizukulwaneni zamandulo. Akusuwe owamnquma kabili uRahabi, wamgwaza udrako,* na?