Hoseya 5:4 - IsiZulu 2020

“Izenzo zabo azibavumeli ukuba babuyele kuNkulunkulu wabo, ngokuba umoya wobufebe usezibilini zabo, futhi abamazi uSimakade.

IBHAYIBHELI ELINGCWELE

“Abenzi izenzo zokuba babuyele kuNkulunkulu, ngokuba umoya wobufebe uphakathi kwabo, noJehova abamazi.

Contemporary Zulu Bible 2024

Kabayikuzimisa izenzo zabo ukuthi babuyele kuNkulunkulu wabo, ngoba umoya wobufebe uphakathi kwabo, njalo kabamazi uJehova.

Hoseya 5:4 Jak'a apnaqawi uñst'ayäwi

AmaHubo 78:8

Bangabi njengawoyisemkhulu, isizukulwane esiphambeneyo nesihlubukayo, isizukulwane esingaqinisanga inhliziyo yaso, nesimoya waso wawungathembekile kuNkulunkulu.

AmaHubo 9:10

Abalaziyo igama lakho bethembela kuwe; Simakade awubalahli labo abakufunayo.

UJeremiya 24:7

Ngiyakubanika inhliziyo yokuba bangiqonde ukuthi nginguSimakade. Bayakuba ngabantu bami, Mina ngibe nguNkulunkulu wabo, bayakubuyela kimi ngenhliziyo yabo yonke.

UJeremiya 50:38

Makufike isomiso emanzini alo, aze ashe, ngokuba yizwe elinezithombe ezibaziweyo, bahlanyiswa yizithombe zabo ezibaziweyo, ezesabekayo.

UJeremiya 9:24

Kepha ozibongayo makazibonge ngalokhu, ukuthi uyangiqonda, futhi uyangazi ukuthi nginguSimakade owenza umusa, ubulungiswa nokulunga emhlabeni, ngokuba ngiyathokoza ngalezi zinto,” kusho uSimakade.

UJeremiya 9:6

Bahlala phakathi kwenkohliso; ngenkohliso bayenqaba ukungazi Mina,” kusho uSimakade.

Hoseya 13:13

Imihelo yobelethayo iyakumfikela, uyindodana engahlakaniphile, ngokuba kuthi sekuyisikhathi sokuba azalwe angezi emnyango wesibeletho.

Hoseya 4:1

Yizwani izwi likaSimakade nina bantu bakwa-Israyeli, ngokuba uSimakade umangalela izakhamuzi zezwe, phela akukho kwethembeka, naqiniso, nalwazi ngoNkulunkulu ezweni.

Hoseya 4:11

bazinikela ekufebeni, ewayinini, nasewayinini elisha, okususa ingqondo.

Hoseya 4:12

Abantu bami babuza ukhuni olubaziweyo, induku yabo ibatshele, ngokuba umoya wobufebe ubadukisile, basuka phansi kukaNkulunkulu wabo ngenxa yokufeba.

Hoseya 4:14

“Angiyukuwajezisa amadodakazi enu lapho efeba, nomalokazana benu lapho bephinga, ngokuba namadoda aphambukela ezifebeni, enze umhlatshelo nezifebe zethempeli, abantu abangenakuqonda bayakubhubha.

Hoseya 4:6

Abantu bami bayabhujiswa ngokweswela ulwazi, njengoba ulwenqabile ulwazi, nami ngiyenqaba ukuba ube ngumphristi wami. Ukhohliwe wumthetho kaNkulunkulu wakho, nami futhi ngiyakubakhohlwa abantwana bakho.

Hoseya 7:11

“U-Efrayimi usenjengejuba elingenangqondo; babize iGibhithe, baya e-Asiriya.

Hoseya 8:11

“Ngokuba u-Efrayimi wandisile ama-althare emihlatshelo yesono; esephenduke ama-althare emihlatshelo yesono.

Johane 16:3

Bayakukwenza lokho ngokuba bengamazanga uBaba nami.

Johane 8:55

Animazi, kodwa Mina ngiyamazi. Uma ngingathi angimazi, ngingaba ngumqambimanga njengani. Kepha ngiyamazi, ngigcina izwi lakhe.

1 Samuweli 2:12

Amadodana ka-Eli ayengabantu abakhohlakele; engamazi uSimakade.