Lucas 3:1 - Qullan Arunaka DC

Tiberio sat emperadorax niya tunka phisqan mara marka apnaqkän ukkhaxa, Poncio Pilatox Judea marka apnaqäna, Herodesasti Galilea marka apnaqarakïna, Filipo jilapasti Iturea markampi, Traconítede markamppach apnaqäna, Lisaniasasti Abilene marka apnaqarakïna.

Aymar Bibliia 1986

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Qullan Arunaca

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Lucas 3:1 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Mateo 14:1

Uka urunakanxa, Galilea marka apnaqir Herodes reyix, Jesusat parlir ist'äna,

Mateo 14:3

Herodes reyipï Bautisir Juanarux katuntayasin carcelar apantayataynaxa. Ukham lurañapatakisti Herodías warmiw juchanïna, khititix Filipo jilapan warmipäkän uka,

Mateo 14:6

Herodesan urupansti, Herodiasan phuchhapax taqi jawillatanak nayraqatan thuqt'iriw mistunïna, uka thuqt'atapasti Herodesatakix sinti sumänwa,

Mateo 22:17

Jichhax sapxitaya: ¿Cesarar qullqi churañax walikïskiti, jan ukax janicha? —sasa.

Mateo 27:2

Juparusti ñach'antat irpapxäna, ukatsti Pilatoruw katuyapxäna.

Marcos 6:17

Herodes reyix, Herodías warmin amtayataw Juanarux katuntayatayna, ñach'antayasinsti carcelaruw uchantayatayna. Herodías warmix Filipon warmipänwa, Filiposti Herodesan jilaparakïnwa, ukampis Herodes reyix Herodías warmimpiw jaqichasxatayna.

Marcos 6:21

Ukampis Herodías warmitakix suykän uka urux purinïnwa. Ukasti Herodes reyin urupänwa, uruyasiñatakix jupax jilïrinakampiru, ejercitopan jilïrinakapampiru, Galileankir jilïr jaqinakampiruw jawsthapiyanïna.

Lucas 13:31

Ukapachaw yaqhip fariseonakax purinipxäna, ukat Jesusar sapxäna: —Akat sarxam, Herodesax jiwayañ muntam —sasa.

Lucas 2:1

Khä urunakansti Augusto Cesaraw mä kamachi mistuyäna, jupax apnaqkäna taqi uka markanakan jaqinakan jakthapitäñapataki.

Lucas 23:24

Pilatosti kuntix jupanakax mayipkän uk lurañ amtäna;

Lucas 3:19

Ukxarusti marka apnaqir Herodes reyiruw juchañchäna Filipo jilapan Herodías warmip warmt'asitapata, ukhamarak yaqha jan wali luratanakapampita;

Lucas 9:7

Marka apnaqir Herodesax kunanakatix luraskän ukanak yatïna; ukatsti ukanakat wal pächasïna, yaqhipanakax “Bautisir Juanaw jiwatanak taypit jaktanxatayna” sapxänwa,

Hechos 23:26

“Naya, Claudio Lisias jilïriw juma marka apnaqir Félix jilïrir aruntansma.

Hechos 24:27

Pä mara qhipatsti, Félix chachax, janiw marka apnaqirïkxänti, jupa lantisti Porcio Festo sat chachaw marka apnaqañ qalltxäna. Félix chachasti judionakamp munayasiñ laykuw Pablorux katuntat jaytawayäna.

Hechos 26:30

Pablon ukham parlatapatsti, Agripa reyimpi, marka apnaqir Festo jilïrimpi, Berenice warmimpi, ukan qunt'atäsipkän uka jaqinakampix sayt'asxapxänwa,

Hechos 4:27

“Chiqpachansa, aka markan mayachasipxi Herodesampi, Poncio Pilatompi, romano jaqinakampi, Israel markampi qullan Jesús luqtirimar jiwayañataki, khitirutix nanakan reyixatak ajlliskta ukaru.