Génesis 49:10 - Qullan Arunaka DC

¹⁰ Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Aymar Bibliia 1986

¹⁰ Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Qullan Arunaca

¹⁰ Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Génesis 49:10 Jak'a apnaqawi uñst'ayäwi

2 Samuel 7:13

Jupaw nayatakix mä uta utacharapitani, nayasti marka apnaqäwip wiñayatakipuniw utt'ayarakï.

2 Samuel 7:16

Ukhamarusa, nayaw wawanakaman marka apnaqäwip ch'amaniptayä, reyi qunuñamasti wiñayatak utt'atapunirakïniwa’ ” sasa.

1 Crónicas 12:24

24 (25) Judá ayllutsti, suxta waranqa kimsaqallqu patakan chachanakänwa, jark'aqasiñanakampi, lanzanakampi nuwasiñatak wakicht'ata.

1 Crónicas 12:39

39 (40) Davidampix kimsa uruw manq'asa, umasa ukawjankapxäna, jupanakan marka masinakapaw ukham wakichapxäna.

Salmos 108:8

8 (9) Galaad uraqixa, Manasés uraqis nayankiwa; Efraín uraqix p'iqixar jark'aqiriwa, Judá uraqix jilïr kankañ thujruxawa;

Salmos 60:7

7 (9) Galaad uraqix nayankiwa, Manasés uraqis nayankiwa; Efraín uraqix p'iqixar asxatasiñawa, Judá uraqisti, jilïr kankañ thujruxawa;

Salmos 60:9

9 (11) ¿Khitirak uyunakampi muyuntat markar irpitanisti? ¿Khitirak Edom uraqkam puriyitanisti?

Salmos 78:68

Judá aylluruw ajllïna, munat Jerusalén markaparuw chhijlläna.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Isaías 60:1

Jerusalén, sartasim, k'ajtam, qhanamasti niyaw purinxi, Tatitun k'ajkir kankañapax jumxan qhani.

Isaías 62:11

Tatituw aka arunak yatiyaski taqi aka uraqin jakirinakaru: “Jerusalén markarusti, sapxam, ‘Qhispiyirimax purinxiwa’, Tatituw markapar qhispiyxi” sasa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 30:21

Pachpa marka taypit mayni jilïrix mistuni, jupanak taypit jupanakar apnaqirix mistuni, ukatsti nayaruw jak'achasiyanï; ukampis, ¿khitis nayar jak'achasiniñ munaspa? Jupanakax markaxäniwa, nayasti Diosaparakïyäwa. Naya, Tatituw uk arsta.”

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Ezequiel 19:11

Layminakapasti wali thurunakaw jilantxäna, reyinakan thujrup lurañatakjama, ukham jilatapampisti qinayanakkamaw purïna. Yaqha alinakat sipan wali jach'aw tuküna, walja layminïtap laykusti taqinin uñjkañänwa.

Ezequiel 19:14

Layminakapatsti ninaw mistu, uka ninaw küllinakapsa, achunakapsa nakhantxaraki. Janiw jichhax thuru layminakanïkxiti, reyinakan thujrup lurañatakixa.’ ” (Akax amay imäwi q'uchuwa, ukatak q'uchutapunïniwa.)

Ezequiel 21:27

27 (32) Aka markarux q'al t'unjä, t'una qullükaspas ukham mayjar t'unthapit tukuyarakï. Taqi akanakasti Babiloniankir reyix jutkani ukkhaw ukham lurasini. Juparuw ukham lurañapatak mayirakta.’

Ezequiel 21:32

32 (37) Nakhantata, t'unjataw uñjasïta; wilamasti taqi uka uraqpachan jalani, janirakiw khitis jumat mayampsa amtaskxaniti. Naya, Tatituw uk arsta.”

Daniel (hebreo) 9:25

Akanakxa sum amuyt'añamarakiwa: Jerusalén marka wasitat sayt'ayañatak arsutäkani ukapachatxa, luqtatäki uka jach'a Jilïrin puriniñapkamaxa, paqallq semanaw mäkipañapa, Jerusalén markan thakhinakapasa, pirqanakapasa, suxta tunka payan semanan wasitat sayt'ayatäxäni, ukampis uka urunakax wali t'aqhisiñ urunakäniwa.

Oseas 11:12

12 (1) “Israel markankirinakax taqi pachan k'arintapxitu; sallqjapxarakitu. Judá markankirinakasti Tatitut jithiqtxapxiwa, jichhasti yaqha diosanakaruw taqi chuyma arkapxaraki.

Miqueas 5:1

1 (14) “Jerusalén marka, jichhax sayt'asiñatak wakicht'asim, uñisirinakamampi muyuntatätawa, Israel markan jilïriparuw wal mutuyapxarakini.

Hageo 2:7

Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Zacarías 10:11

Llakt'ataw Egipto quta makhatapxani, nayaw uka qutan mathapinakap t'akuyä. Nilo jawiran umapsa q'al wañt'ayä; nayaw Asiria markan jach'a jach'a tukutapsa tukjä, Egipto markan jach'a munañanïñapsa nayaw apaqarakï.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Números 21:18

¡Jilïrinakan allit phuch'u, markan yäqat jilïrinakan thujrunakapamp jist'arat phuch'u!” sasa. Wasarat sartawayxasasti, israelitanakax Mataná chiqaw sarakipawayapxäna,

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Números 24:19

Jacobun markapat mä atipjiriw sayt'ani, jupaw markan qhiparirinakar t'unjani” sasa.

Mateo 1:21

Mariax mä yuqall wawa wawachasini, juparusti JESÚS sasaw sutichäta, juparakiw markaparux juchapat qhispiyani” sasa.

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

Mateo 25:32

Taqi markankir jaqinakaw jupan nayraqatapan tantacht'asipxani, jupasti jupanakarux lakirpayaniwa, kamisatix awatirix ovejanakat cabritonak lakirpayki ukhama.

Juan 12:32

Kunapachatix cruzar ch'akkatasin aptapkitani ukkhasti, taqiniw nayarux iyawsapxitani —sasa.

Juan 18:31

Pilatox jupanakar sarakïnwa: —Irpasxapxam, jumanakak kamachinakamarjam juchañchasipkam —sasa. Jilïr judionakasti sapxarakïnwa: —Nanak judionakarux janiw khitir jiwayañas wakt'apkituti —sasa.

Juan 19:12

Pilatosti ukapachatpach Jesusar antutañ munäna; ukampis judionakax jach'at art'apxäna: —¡Aka jaqirutix antutnukütaxa, janiw Cesaran jila masipäktati! ¡Khititix reyir tukuñ munki ukax, Cesar emperadoran uñisiripawa! —sasa.

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Juan 9:7

Ukat juykhurux sarakïna: —Siloé uma püñar jariqasir saram —sasa. (Ukax “Khithata” sañ muni.) Juykhusti sarasin jariqasïnwa; kutt'anxän ukkhasti uñjxänwa.

Romanos 15:12

Isaías profetax qillqarakïnwa: “Jesé chachat saphix sartani, jupasti markanakar apnaqiriw sartani, markanakasti juparuw suyt'apxani” sasa.

2 Corintios 5:10

Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

Deuteronomio 28:57

jan jupanakamp chika jichha wawachasit wawapan janchipa, wawa uywañ parisapsa manqañataki; taqi ukanaksti jamasat manq'antani, kunapachatix uñisirinakamax markanakamar muyuntkani ukkhax janiw kuna manq'añas utjkaniti.

Hebreos 7:14

Ukax qhanäskiwa, Tatitusax Judá ayllut saraqiriwa, kunapachatix Moisesax sacerdotenakan luräwipat parlkän ukkhax, janiw uka ayllut kunsa siskänti.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.